Mianmada 7,7 magnitudaly jer sılkınısı boldy. Küştı jer asty dümpulerı Tailand pen Qytaida da sezıldı. Bangkokte köpqabatty ǧimarat qūlap, 67 adam ız-tüzsız joǧalyp ketken, dep habarlaidy “Adyrna” ūlttyq portaly Euronews saityna sıltep.
Tailand astanasy Bangkokte Mianmanyŋ körşı aimaǧynda bolǧan 7,7 magnitudaly jer sılkınısınen keiın köpqabatty tūrǧyn üilerdıŋ tūrǧyndary evakuasiialandy. AQŞ geologiialyq qyzmetı men Germaniianyŋ GFZ geoǧylym ortalyǧy episentrdıŋ Mandalai qalasynan oŋtüstık-batysqa qarai ornalasqanyn jäne jer sılkınısınıŋ oşaǧy 10 kilometr tereŋdıkte bolǧanyn habarlady.
Tailand astanasynda qūrylys üstındegı köpqabatty ǧimarat qūlap, 67 adam joǧalyp ketkenı aityldy. Qala bilıgı üş adam qaza tapqanyn rastady.
Bangkok audanynda 17 millionnan astam adam tūrady, olardyŋ köpşılıgı köpqabatty üilerdı mekendegen. Qauıp-qater signaldary saǧat 13:30-da ıske qosylyp, qorqyp qalǧan tūrǧyndar köpqabatty üiler men qonaqüilerdıŋ baspaldaqtarymen köşege şyǧyp, megapolistıŋ tyǧyz ornalasqan ortalyǧynda jasyrynyp jatty.
Jer sılkınısınen keiın bırneşe minut ışınde tūrǧyndar köşe boiymen jürıp, künnıŋ aptap ystyǧynan köleŋke ızdedı.
Jer sılkınısınıŋ saldarynan köpqabatty ǧimarattardyŋ şatyrlarynda ornalasqan basseinderden su köşege aǧyp kettı.
Azamattyq soǧys jürıp jatqan Mianmada jer sılkınısınıŋ saldarlary turaly äzırge aqparat joq. Aqparat agenttıkterı tötenşe jaǧdai engızılgenı turaly habarlady.
Ekınşı ülken qalasy Mandalaede, episentrden 33 şaqyrym jerde 1,5 million adam tūrady.
