Jalpy qai zamanda bolmasyn balalar men jasöspırımderdıŋ mäselesı nazardan tys qalǧan emes. Olarǧa sanaly tärbie berıp, qoǧamnyŋ bır bölşegı etıp qalyptastyru auqymdy jūmys. Osy auqymdy jūmysty Aigül Razaqova 1998 jyldan berı talmai atqaryp keledı.
Äitse de Aigül Razaqova jetekşılık etetın «Ainalaiyn» balalar men jasöpırımder ortalyǧy 2004 jyly bıraq zaŋdy türde tırkelgen eken. Oǧan deiın Aigül apai öz qyzyǧuşylyǧymen jūmys jürgıze bergenın aitady.
«Ainalaiyn» ortalaǧy balalar men jastar jäne otbasylyq mäselelerdı şeşuge atsalysady. Naqtyraq aitsam, jūmyssyz äielderge jūmys ornyn tauyp berıp, onyŋ aiaqtan tūruyna yqpal etemız. Abai atamyz aitqandai balalardyŋ bır kırpış bolyp qalanuyna da jūmys jasaimyz. Prezidentımız Qasym-Jomart Toqaev jūmyssyz üide otyrǧan azamattardy jūmyspen qamtyp, ekı qolǧa bır kürek tabuǧa ündep jatyr ǧoi. Onyŋ üstıne özım jetekşılık etetın «Ainalaiyn» ortalyǧy balalardy jastaiynan eŋbekke tärbieleidı. Iаǧni, 11 synypty bıtırgennen keiın balalardyŋ jūmyssyz qalmai, öz jolyn tauyp ketuge bızdıŋ ortalyq üles qosyp jatyr. Būl jerde bala özın ǧana asyrap qana qoimai, sonymen qatar ata-anasyna da belgılı bır deŋgeide kömek körsete alady», – deidı ol.
Aigül Razaqova ortalyqtyŋ oblystyq Turizm basqarmasy men mädeniet, arhivter jäne qūjattama basqarmasynyŋ qoldauymen jūmys jasaitynyn aitady. Naqtyraq aitsaq, ol Törtköl keruen saraiynda Köne Taraz şeberler auylyn ūiymdastyryp keledı.
«Işkı jäne syrtqy turizmdı damytu üşın qol öner şeberlerınıŋ būiymdaryn köptep jasauǧa bolatynyn aŋǧardyq. Būl bırınşı kezekte qol öner şeberlerın jūmyspen qamtu bolsa, ekınşı jaǧynan turisterge ūlttyq qol-önerımızdı därıpteu boldy. Jalpy soŋǧy kezderı qol öner būiymdaryn damytu turaly jiı-jiı aitylyp jatyr. Bızdıŋ Taraz qalasy Ūly Jıbek joly boiynda ornalasqannan keiın turizmdı damytuǧa qolaily aimaq. Alaida Törtkül Keruen saraiyna 2000 jyldary restavrasiia jasalǧanymen ūzaq uaqyt nazardan tys qaldy. Ūly Jıbek joly kezınde Keruen saraida halyq eŋ jiı keletın ortalyq bolǧan. Bız ejelgı tarihty qaitadan qalpyna keltırıp, onda qol öner şeberlerınıŋ auylyn jasadyq», – deidı ol
Aigül Razaqova ortalyqqa qoldau bıldırgen Turizm basqarmasy men mädeniet, arhivter jäne qūjattama basqarmasyna dän riza. Öitkenı qos basqarmanyŋ qoldauynyŋ arqasynda Keruen saraiǧa alys jaqyn şet elderden köptegen turister kelıp, qazaqtyŋ salt-dästürıne qairan qalǧan körınedı.
«ADYRNA»
ūlttyq portaly
