2025 jylǧy 9 säuırde Äl-Farabi atyndaǧy Oquşylar saraiynda dünie jüzınen kelgen ǧalymdar, bılım beru salasynyŋ sarapşylary, jas zertteuşıler men oquşylar bas qosqan erekşe ǧylymi ıs-şara – III Halyqaralyq ǧylymi forum öz jūmysyn bastady.
Alǧaşqy qūttyqtau sözderdı Astana qalasynyŋ Bılım basqarmasynyŋ basşysy Sengazaev Kasymhan Sengazaevich pen respublikalyq «Daryn» ǧylymi-praktikalyq ortalyǧynyŋ direktory Tūrsynov Gajdembek Quanyşūly aitty. Olar jastardyŋ ǧylymǧa degen qyzyǧuşylyǧy men yntasyn joǧary baǧalap, bılım men innovasiianyŋ el bolaşaǧyndaǧy orny turaly atap öttı.
Parij universitetınıŋ professory, Fransiia Ūlttyq ǧylym akademiiasynyŋ müşesı Per Lena myrza jastardyŋ ǧylymi äleuetın damytudaǧy innovasiialyq bılım beru jobalarynyŋ maŋyzyn erekşe atap öttı. Ol forumǧa onlain rejimde qatysyp, halyqaralyq yntymaqtastyq pen jastardyŋ jahandyq ǧylymdaǧy rölın tılge tiek ettı.
Qazaqstannan Läzzat Abaiqyzy – ICSC prezidentı, QR patenttık senımdı ökılı, “Balalar ǧylymda” jobasynyŋ jetekşısı retınde söz söilep, ǧylym men bılımnıŋ tūraqty damu maqsatyndaǧy maŋyzdylyǧyna toqtaldy. Ol ǧylymi jazba men akademiialyq tıldı meŋgerudıŋ maŋyzyn atap, oquşylarǧa aǧylşyn tılınde joba qorǧau baǧytynda jürgızılgen daiyndyq jūmystary turaly baiandady.
Forum barysynda Manzur Somro (Päkıstan) qazırgı jastardyŋ ǧylymi-zertteu jūmystaryna daiyndyǧy jaiynda öz oiyn bıldırdı.
Sondai-aq, Jaŋa Zelandiiadaǧy Oklend universitetınıŋ doktoranty Şyŋǧys Aqniiazov «Astronomiia jäne kosmonavtika: Aiǧa sapar jäne kerı oralu» atty prezentasiiasynda ǧaryştyq zertteulerdıŋ qazırgı jetıstıkterı men bolaşaǧyna şolu jasady.
Forumda halyqaralyq baiqaulardyŋ jeŋımpazy atanǧan oquşylardyŋ ǧylymi jobalaryn aǧylşyn tılınde tanystyru sätı boldy. Mäselen, kökşetaulyq oquşy Arujan Jänıbek topyraqtyŋ qūramyn taldaityn jäne sudy ünemdeitın «Jerūiyq» qūrylǧysyn tanystyrdy. Būl joba Koreiada ötken halyqaralyq baiqauda altyn medalǧa ie bolǧan.
Būl forum – ǧylymmen erte ainalysqan jastardyŋ jetıstıkterge erte jetuınıŋ aiqyn dälelı. Bılım beru jüiesındegı jaŋaşyldyqtar men ǧylymi oi-pıkırler toǧysqan būl alaŋ – bolaşaq köşbasşylar men jaŋalyq aşuşy buynnyŋ qalyptasuyna serpın beretın maŋyzdy platforma.
Qazaqstandaǧy bılım jüiesı jaŋa belesterge köterılude, jäne būl forum — sol jetıstıkterge aparar joldyŋ bır bölıgı.
Ūqsas jaŋalyqtar
