Ǧylym künı qarsaŋynda ötken ǧalymdarmen kezdesude Memleket basşysy Qasym-Jomart Toqaev qazırgı älemdık ekonomikalyq ahualǧa toqtalyp, Qazaqstanǧa äser etuı mümkın syn-qaterler turaly aitty. Būl turaly Stan.kz aqparat agenttıgı habarlady.
Prezidenttıŋ aituynşa, qazırgı taŋda älem ondaǧan jyl boiy bolmaǧan eŋ kürdelı daǧdarystyŋ aldynda tūr.
“Alpauyt memleketter arasyndaǧy “tarif maidany” saldarynan öndırıs pen sauda tızbegı būzylyp, naryqtar qūldyrap, şikızat baǧamy tūraqsyzdanyp jatyr. Būl Qazaqstanǧa da äser etpei qoimaidy. Qazırgı taŋda 90 kündık tarif moratoriiı engızılgenımen, naryqtaǧy jaǧdai älı de tūraqsyz”, – dedı Prezident Toqaev.
Memleket basşysy ahualǧa pozitivtı közqaraspen qarap, dürlıguge eş negız joq ekenın aitty.
“Syrtqy qolaisyz faktorlarǧa qaramastan, bız damudyŋ daŋǧyl jolyn jalǧastyra beremız. Negızgı infraqūrylymdyq jobalar men basqa da bastamalar tolyǧymen jüzege asady. Ükımet pen äkımdıkterge ıs-qimyl josparyn şūǧyl aiaqtaudy tapsyrdym. Būl – ösım qarqyny men investisiia kölemın tömendetpeu üşın qajet”, – dedı Prezident.
Sondai-aq ol daǧdarystyŋ jaŋa mümkındıkterge jol aşatynyn, sonymen qatar basşylyqtaǧy azamattardyŋ ıskerlık qabıletın aiqyndaitynyn atap öttı.
“Ūlttyq ekonomikanyŋ ornyqtylyǧy men äleumettık tūraqtylyqty saqtau üşın däl qazır jan-jaqty daiyndyq qajet. Bız jūmysty baiyppen ärı senımdı türde atqaruǧa tiıspız”, – dedı Prezident.
Aita keteiık, 3 säuır künı AQŞ Prezidentı Donald Tramp 180-nen astam elge jaŋa salyq tarifterın engızetının mälımdegen bolatyn. Būl şeşımnen keiın aziialyq qor naryqtary qūldyrai bastady. Keiın Tramp tarif engızudı keiınge qaldyratynyn jetkızdı.
Ūqsas jaŋalyqtar
