3 mln tonna bolat öndırıledı: Jambyl oblysynda metallurgiialyq zauyttyŋ qūrylysy bastaldy

Memleket basşysynyŋ ekonomikany ärtaraptandyru jäne investisiia tartu boiynşa tapsyrmasyna säikes Jambyl oblysynda öŋdeu önerkäsıbındegı jobalardy qoldau boiynşa keşendı jūmystar jüzege asuda. ​Sondai josparly jobalardyŋ bırı – Şu audanyndaǧy «Jıbek joly» arnaiy ekonomikalyq aimaǧynyŋ aumaǧyndaǧy metallurgiialyq zauyt. Käsıporyn qūrylysynyŋ bastalu saltanatyna Jambyl oblysynyŋ äkımı Erbol Qaraşökeev qatysty. ​Qytaidyŋ jetekşı metallurgiialyq kompaniiasy – Fujian Hengwang Investment Co., Ltd öndırıstık quaty jylyna 3 mln tonnaǧa deiın jetetın metallurgiialyq zauyt salady. ​İnvestisiia kölemı – 564 mlrd teŋgenı qūraidy. Joba aiasynda 2,5 myŋ jūmys orny aşylady. Alǧaşqy kezeŋde 1000-nan astam adam jūmyspen qamtylady. ​Kompaniia ülken täjıribesın paidalana otyryp, sapaly jäne bäsekege qabılettı önım öndıru üşın temır rudasyn tereŋ öŋdeudıŋ tolyq siklın jolǧa qoiuǧa niettı: – bırınşı kezeŋde 1 mln tonnaǧa deiın armatura, sozba sym, būryşty bolat, – ekınşı kezeŋde 2 mln tonna profildı jäne jolaqty bolat şyǧarylmaq. ​Käsıporynda temırdı tıkelei qalpyna keltıru tehnologiiasy engızıledı. Būl – önım qūramyndaǧy temırdıŋ joǧary mölşerde saqtaluyn qamtamasyz etedı. Önerkäsıpte ǧylymi täsıl men zamanaui tehnologiialardyŋ tiımdı üilesuı öndırıstıŋ ekologiialyq tūraqtylyǧyn arttyra tüsedı. ​Zauytty ıske qosu – sabaqtas salalardyŋ damuyna berık negız qalap, öŋırdıŋ eksporttyq mümkındıkterın arttyryp, jaŋa jūmys oryndaryn aşuǧa mümkındık beredı. ​– Memleket basşysy Qasym-Jomart Kemelūly Toqaev pen el Ükımetınıŋ qoldauynyŋ arqasynda öŋırde qolaily investisiialyq ahual qalyptasyp, ırı halyqaralyq jobalar ıske asyryluda. Ekonomikanyŋ strategiialyq salalary jüielı türde damyp keledı. ​Jambyl oblysynyŋ investisiialyq qorjynynda jalpy qūny 3,6 trillion teŋge bolatyn, 10 myŋnan astam jūmys ornyn qūrudy közdeitın 82 joba bar. 2025 jyly jalpy somasy 175,2 milliard teŋgege 30 jobany ıske asyru josparlanǧan. Biylǧy jyldyŋ bırınşı toqsanynda ötken jyldyŋ säikes kezeŋımen salystyrǧanda 37,1 paiyzǧa köp investisiia tartyldy.​ ​Bügıngı joba – memleket pen biznes arasyndaǧy tabysty yntymaqtastyqtyŋ jarqyn ülgısı, jaŋa mümkındıkter men tūraqty ösudıŋ simvoly, – dedı oblys äkımı. «Fujian Hengwang Investment Co., Ltd» kompaniiasynyŋ basqarma töraǧasy Szen Chjaosian memleket tarapynan körsetılgen qoldauǧa alǧysyn bıldırıp, joba Qazaqstan men Qytai arasyndaǧy bailanysty nyǧaitudaǧy qosymşa däneker bolatynyna senım bıldırdı.