2025 jyldyŋ 17 säuırınde Jezqazǧan qalasynda “Ūlttyq kiım – ūlt beinesı” atty dästürlı jäne zamanaui ūlttyq kiım ülgılerınıŋ festivalı tabysty öttı. Auqymdy mädeni şara qazaq halqynyŋ bai kiım mädenietın jaŋǧyrtu, ony zamanaui sänmen ündestıre otyryp ūlt bolmysynyŋ beinesın nasihattauǧa baǧyttaldy.
Festival aiasynda ūlttyq kiımnıŋ halqymyzdyŋ ruhani-mädeni qūndylyqtaryn aişyqtap, dästür men dındı üilestıretın rölıne erekşe nazar audaryldy. Ūlttyq kiım – ūlttyŋ özındık bolmysy men salt-sanasyn därıpteitın simvol retınde, terıs dıni aǧymdardyŋ yqpalyna qarsy qoǧamda immunitet qalyptastyru qūraly bola alatyny erekşe atap ötıldı.
Saltanatty aşylu barysynda:
• Ūlttyq naqyşpen bezendırılgen sahna men kiımder körmesı ūiymdastyryldy;
• Tanymal otandyq dizainerlerdıŋ toptamalary jūrt nazaryna ūsynyldy;
• Halyqaralyq deŋgeidegı Aida KaumeNOVA sän üiınıŋ toptamasy köpşılıktıŋ erekşe yqylasyna ie boldy.
Qūrmettı qonaqtar qatarynda:
• Ūlytau oblysy äkımınıŋ orynbasary Zina Jūmanazarqyzy Aqylbekova
• Qoǧam qairatkerı, belgılı telejurnalist Dana Nūrjıgıt
• Astana qalasyndaǧy “Yryskeldı qajy” meşıtınıŋ bas imamy, dıntanuşy Nūrlan Baijıgıtūly
• Almaty qalasynan arnaiy şaqyrylǧan dizainerler Madina Bektai men Bekbatyr Gülnūr boldy.
Qonaqtar öz sözderınde ūlttyq kiım – tek sän elementı emes, ūlttyŋ ruhani-mädeni tamyrynyŋ körınısı ekenın atap öttı. Olar mūndai bastamalar jastardyŋ dıni sauattylyǧyn arttyryp, jat ideologiialardan qorǧauǧa sep bolatynyn jetkızdı.
Festival baǧdarlamasy aiasynda:
• Zamanaui ülgıdegı ūlttyq kiımderdıŋ defilesı ūiymdastyryldy;
• Dizainerlerdıŋ şyǧarmaşylyǧy men şeberlıgı tanystyryldy;
• Ūlttyq öner men salt-dästürdı ūlyqtaǧan sahnalyq qoiylymdar ūsynyldy;
• Qolönerşıler järmeŋkesı öttı;
• Qonaqtar men qatysuşylar marapattarmen jäne alǧys hattarmen marapattaldy.
Aita keteiık, festivalde ūsynylǧan ūlttyq kiım toptamalary 2025 jyldyŋ 18 säuır künı Jezqazǧan qalasyndaǧy “PLAZA” sauda üiınde satylymǧa şyǧarylady. Būl – ūlttyq kiımnıŋ kündelıktı ömırge enuıne jasalǧan naqty qadam.
Is-şarany ūiymdastyruşy:
Ūlytau oblysynyŋ dın ısterı basqarmasy
Maqsaty:
Ūlttyq kiım arqyly ruhani jäne mädeni qūndylyqtardy jaŋǧyrtu, sondai-aq terıs dıni aǧymdarǧa qarsy qoǧamda immunitet qalyptastyru.
Ūqsas jaŋalyqtar
