TikTok #Nauryz2025 onlain-festivalı – Ūlttyq ruh pen zamanaui formattyŋ toǧysuy

Köktemnıŋ alǧaşqy künderımen bırge halqymyzdyŋ jüregıne jylulyq pen ümıt syilaityn ūlyq mereke – Nauryz biyl erekşe sipatqa ie boldy. Nauryzdy jaŋaşa türde qarsy aludy ūsynǧan TikTok platformasy #Nauryz2025 atty onlain-festival ūiymdastyryp, ūlttyq qūndylyqtardy därıpteudıŋ tyŋ ülgısın körsettı. Būl joba Qazaqstan halqynyŋ bırlıgı men şyǧarmaşylyǧyn nasihattauǧa baǧyttalǧan. Nauryz aiynyŋ ortasynan bastau alǧan onlain-festival elımızdıŋ tükpır-tükpırınen myŋdaǧan qoldanuşyny bırıktırıp, ärkım öz öŋırınıŋ erekşelıgın körsetıp, merekelık köŋıl küimen bölıstı. TikTok-tyŋ būl bastamasy ūlttyq dästür men zamanaui tehnologiiany üilestıre otyryp, jastardyŋ töl mädenietke qyzyǧuşylyǧyn arttyruda maŋyzdy röl atqardy. Memlekettık qoldau – jobanyŋ mänın arttyrdy Būl nauqan QR Mädeniet jäne aqparat ministrlıgı, QR Ǧylym jäne joǧary bılım ministrlıgı, QR Turizm jäne sport ministrlıgı, sondai-aq “Kazakh Tourism” ūlttyq kompaniiasy men TikTok-taǧy tanymal kontent avtorlarynyŋ qoldauymen jüzege asty. Būl öz kezegınde jobanyŋ auqymyn keŋeitıp, mazmūnyn tereŋdete tüstı. Festivaldıŋ qorytyndy keşı 18 säuır künı saǧat 17:00-de Almaty qalasynda, Medeu audany, Būzyrbaev köşesı, 23 mekenjaiyndaǧy “Vechnoe nebo” meiramhanasynda öttı. Qorytyndy keş aiasynda qatysuşylar:

• Eŋ üzdık beinerolikterdı tamaşalap,
• TikTok pen serıktes ūiymdardyŋ qūttyqtaularyn tyŋdap,
• Kontent jasau boiynşa şeberlık saǧattaryna qatysyp,
• Merekelık keşkı as pen ūlttyq syilyqtarǧa ie boldy.

Täjıribe men motivasiia – Aset Murzabaevtyŋ şeberlık sabaǧy Şaranyŋ arnaiy qonaǧy retınde tanymal trevel-kreator Aset Murzabaev şaqyrylyp, auditoriia jinaudyŋ qyr-syryn, virusqa ainalatyn beinekontent jasaudyŋ joldaryn ortaǧa saldy. Onyŋ aituynşa: «Är taqyryptyŋ öz auditoriiasy bar. Barlyǧyn bırden jaulap alu mümkın emes, eŋ bastysy – şynaiylyq. Algoritmder öte ädılettı: eger şynymen qyzyqty video bolsa, ol mındettı türde ülken auditoriiaǧa jetedı». Ūlttyq syi – jürekke jylu syilar belgı Festival soŋynda qatysuşylarǧa ūlttyq naqyştaǧy qazaqy ydystar tartu etıldı. Būl syilyqtar dästür men taǧam mädenietın ūlyqtaudyŋ simvoly retınde qatysuşylarǧa erekşe äser qaldyrdy. TikTok #Nauryz2025 onlain-festivalı – dästür men tehnologiianyŋ toǧysuynan tuǧan tyŋ joba. Būl şara ūlttyq merekenı jaŋa qyrynan tanytyp, jastardy mädeni mūraǧa jaqyndata tüstı. Ūlttyq bolmys pen sifrlyq platformany bırıktıre otyryp, būl bastama köpşılıktıŋ jüregınen oryn aldy. Jaŋaşyldyq pen dästürlılık qatar örılgen mūndai jobalar – bolaşaqqa senımdı qadamnyŋ dälelı.

 Aidana Qūsainova