Aida Balaeva «Qazaqfilmdegı» dau men synǧa jauap berdı

Mädeniet jäne aqparat ministrı Aida Balaeva Ükımet otyrysynan keiın ötken baspasöz mäslihatynda «Qazaqfilm» men «Qazaqanimasiia» mekemelerıne qatysty syndar men pıkırtalasqa jauap berdı, dep habarlaidy "Adyrna" ūlttyq portaly. Ministrdıŋ aituynşa, atalmyş mekemelerge basşylyqqa eŋ aldymen käsıbi menedjer kerek. Ol rejisser nemese akter emes, naqty basqaruşylyq qabıletı bar maman boluy tiıs. «Azamat Satybaldy ketkennen keiın men «Qazaqfilmnıŋ» menedjmentın baqylauǧa alyp, kündelıktı jūmysyn qadaǧalap otyrmyn. Qazır mekeme qarjylyq jaǧynan oŋ körsetkışke jettı, būl – damu bar degen söz», – dedı Aida Balaeva. Sondai-aq ol «Qazaqfilm» basşysy qazaq tılın bılmeidı degen synǧa qatysty öz pıkırın bıldırıp, nätije körsetıp otyrǧan mamanǧa tıl mäselesı boiynşa şabuyl jasaudy orynsyz dep atady. Ministr kino mamandary tarapynan aitylyp jatqan syndarǧa qatysty jeke kezdesu ötkızu turaly ūsynysqa da toqtalyp öttı. «Būl – bıtpeitın dau. Ärkımnıŋ öz şyndyǧy bar. Sol sebeptı daulasqannan görı naqty jūmys ıstegen dūrys», – dedı ol. Aida Balaeva barşa jūrtty «Qazaqfilmnıŋ» qazırgı jūmysy jäne jetıstıkterımen tanysuǧa şaqyrdy.