Reseı Sırııanyń jańa úkimetiniń Reseıge qashyp ketken prezıdent Bashar Asadty ekstradıııalaý týraly ótinishinen bas tartty. Bul ótinish Reseı bıligine qańtar aıynda jiberildi. Bul týraly Sırııanyń ýaqytsha prezıdenti jáne jıhadshylardyń Haıat Tahrır ash-Sham (HTS) tobynyń jetekshisi Ahmed ash-Sharaa 23 sáýir kúni The New York Times gazetine bergen suhbatynda aıtty, dep habarlaıdy “Adyrna” ulttyq portaly.
Alaıda, bas tartqanǵa qaramastan, Sırııanyń jańa ákimshiligi Reseımen qarym-qatynasty úzgisi kelmeıdi. Basylymnyń jazýynsha, sırııalyq bılik Kremlmen kelissózderge ashyq.
«Reseı – BUU Qaýipsizdik keńesiniń turaqty múshesi. Sondaı-aq, Sırııanyń qarýy tolyǵymen reseılik. Odan bólek, Sırııa uzaq jyldar boıyna súıengen azyq-túlik pen energııamen qamtamasyz etý boıynsha kóptegen kelisimder bar
», – dedi ash-Sharaa.
Ol óz úkimetiniń Sırııanyń ulttyq múddelerin eskeretinin atap ótti.
Sırııadaǵy azamattyq soǵys kezinde Reseı Asad rejımin qoldaý úshin ásker, áskerı keńesshiler, ushaqtar men kemeler jibergeni belgili, dep eske salady basylym.
«Bizge basqa elderden sırııalyq qarý-jaraqty almastyrý jóninde usynys túsken joq. Sondyqtan Reseıdiń qoldaýy áli de qajet bolýy múmkin», – dedi ash-Sharaa.
