Qazaqstan ūltaralyq kelısım men beibıtşılıkke nūqsan keltıruge baǧyttalǧan arandatuşylyq äreketterdıŋ jolyn kesetın bolady. Būl turaly Memleket basşysy Qasym-Jomart Toqaev Qazaqstan halqy Assambleiasynyŋ (QHA) XXXIV sessiiasynda aitty, dep habarlaidy “Adyrna” ūlttyq portaly.
"Kürış pen kürmektı, konstruktivtı syn men dälelsız mın taǧudy, köŋılge timeitın parodiia men jiırkenıştı qorlaudy aiyra bılu maŋyzdy. Zaŋ aldynda bärı teŋ. Sol sebeptı bız elımızdegı etnosaralyq kelısım men beibıtşılıkke nūqsan keltıretın kez kelgen arandatudyŋ jolyn kesıp kelemız, būdan ärı de qataŋ tosqauyl qoiamyz. Özderın söz erkındıgınıŋ jaqtauşysy retınde körsetkısı keletın keibır qūqyq qorǧau ūiymdarynyŋ ökılderı, blogerler men jurnalister elımızdegı är ısten saiasi, jaǧymsyz astar ızdep, şyn mänınde, arandatumen ainalysyp jürgenın aitpasqa bolmaidy.
Būl Qazaqstannan köşıp ketıp, şetelde jürıp halqymyzǧa şabuyl jasaityn, tıptı, memlekettık organdardy bopsalaityn būrynǧy azamattarymyzdyŋ äreketı. Olar şet memleketter bergen aqşany aqtauǧa jūmys ıstep jür. Bügınde mūny bärı bıledı. Demokratiiany bıreudıŋ qarjysymen ornatuǧa bolmaidy. Elımızdıŋ äl-auqaty, sonyŋ ışınde demokratiia men söz bostandyǧy üşın şetelde eşkımnıŋ basy auyryp, baltyry syzdamaidy. Ony naqty tüsıngen jön”, dedı Toqaev.
Sondai-aq, Memleket basşysy elımızdıŋ tüiıtkıldı mäselelerın özımızdıŋ ūlttyq müddemız ben zaŋnama aiasynda şeşetınımızdı aitty.
“Jaqynda şeteldık ükımettık emes ūiymdardyŋ äreketterı äşkerelendı. Sonda olardyŋ aram nietı, aşközdıgı men Qazaqstanǧa jany aşymaityny anyq körındı. Sondai-aq keibır tanymal qazaqstandyq grant aluşylardyŋ köleŋkelı äreketterı de belgılı boldy. Qazaqstanda problema joq demeimız. Ärine, basqa elderdegıdei bızde de tüitkılder bar. Bıraq bız ony äldekımderdıŋ ädıstemesımen emes, özımızdıŋ ūlttyq müddemız ben zaŋnama aiasynda şeşemız.
Osyndai qisyndy äreketterımızdı halqymyzdyŋ basym köpşılıgı men nietı adal halyqaralyq serıktesterımız dūrys tüsınetınıne senımdımın. İdeologiialyq öşpendılık – bızdıŋ dünietanymymyzǧa mülde jat. Dästürımız ben qūndylyqtarymyz, bolmysymyz ben ömır saltymyz ūltymyzdy bırtūtas tarihi-mädeni jäne saiasi qauym retınde bırıktırıp, tūtastyǧyn bekemdeidı", - dedı Prezident.
