Máskeý túbindegi Balashıhada qoldan jasalǵan jarylǵysh zattyń kómegimen kólik jarylǵan. Saldarynan Reseı Qarýly kúshteri Bas shtaby bas jedel basqarmasy bastyǵynyń orynbasary general-maıor Iaroslav Moskalık qaza tapty, dep habarlaıdy “Adyrna” ulttyq portaly.
Reseılik Telegram arnalarynyń habarlaýynsha, kólik gaz ballonynyń jabdyǵynyń qasyna ornatylǵan qoldan jasalǵan jarylǵysh zattyń kómegimen jarylǵan jáne general podezden shyqqan kezde qashyqtan iske qosylǵan. Jarylys sáti vıdeoǵa túsip qalǵan.
Jarylǵan Volkswagen Golf osy jyldyń qańtar aıynyń sońynan beri kem degende úsh ret qaıta satylǵan. Reseıdiń Tergeý komıteti adam óltirý jáne jarylǵysh zattardyń zańsyz aınalymy faktisi boıynsha qylmystyq is qozǵady.
Reseılik BAQ-tyń habarlaýynsha, qaıtys bolǵan general-leıtenant Moskalık 2015 jyly «Normandııa formaty» aıasynda Ýkraınamen kelissózderge qatysqan. Sonymen qatar Sırııadaǵy Reseı Qarýly kúshteriniń operaııasyna qatysty taqyryptarda baıandamashy bolǵan.
Odan bólek, Reseı Bas shtabynyń qoǵamdyq tulǵasy retinde Moskalık birneshe ret Taıaý Shyǵystaǵy jaǵdaıǵa qatysty BAQ-qa pikir bildirgen. Mysaly, 2021 jyldyń maýsymynda ol AQSh-ty Sırııa aýmaǵynda kúrdterge zańsyz munaı óndirýge kómektesti dep aıyptaǵan.
Sol ýaqytta ol Reseı Bas shtabynyń ókili retinde Qazaqstan astanasynda ótken Sırııa boıynsha kezekti «Astana» kelissózder raýndyna qatysqan.
Aıta ketsek, aqpan aıynda Máskeýdegi elıtalyq turǵyn úı keshenindegi jarylys saldarynan «Arbat» batalonynyń negizin qalaýshy Armen Sarkısıan qaıtys bolǵan edi. Aldyn ala málimet boıynsha, ǵımarattyń kireberisine qoldan jasalǵan jarylǵysh zat qoıylǵan. Ol qashyqtan basqarylyp, Sargsıan zalda bolǵan kezde jarylǵan.
Armen Sarkısıan Armenııada dúnıege kelgen, biraq jas kezinde Gorlovkaǵa kóshken. 2022 jyldyń qyrkúıeginde ol Donbass jabaıy dıvızııasynyń quramynda armıan batalonyn qurý týraly habarlaǵan bolatyn. 2023 jyldyń jazynda batalon Reseı Qorǵanys mınıstrliginiń quramyna engen.
Buǵan deıin Máskeýde Rıazanskıı dańǵylynda qoldan jasalǵan jarylǵysh zat jarylyp, eki adam qaza tapqan edi. Qurban bolǵandardyń biri - Reseı Qarýly Kúshteriniń radıaııalyq, hımııalyq jáne bıologııalyq qorǵanys áskerleriniń bastyǵy general-leıtenant Igor Kırıllov bolatyn.
