Ūlytauda «Taza Qazaqstan» respublikalyq ekologiialyq aksiiasy öttı

1452
Adyrna.kz Telegram
https://adyrna.kz/content/uploads/2025/04/4c2cc77f-0a7d-4d2e-86ac-418efdf38b74-960x500.jpeg?token=b6713ca9b67e1d86c1544d51a36c8e69

Ūly Jeŋıstıŋ 80 jyldyǧy jäne Qazaqstan Halqy Assambleiasynyŋ 30 jyldyǧyna orai Ūlytau oblysynda «Taza Qazaqstan» respublikalyq ekologiialyq aksiiasy öttı.

Tazalyq ıs-şarasynda bügın öŋırdı kögaldandyruǧa basymdyq berılıp, «Bükılqazaqstandyq aǧaş egu künı» dep atalyp öttı.

Jalpy oblys aumaǧynda 6400 tüp aǧaş köşetı otyrǧyzyldy. Būl bastama öŋırdıŋ ekologiialyq jaǧdaiyn jaqsartuǧa, tabiǧatty qorǧauǧa jäne jasyl jelekter sanyn arttyruǧa baǧyttaldy. Onyŋ ışınde oblysymyzdyŋ qūqyq qorǧau, arnauly jäne sot organdary qyzmetkerlerı arnaiy myŋ tüp aǧaş otyrǧyzdy. Osylaişa, Jezqazǧan qalasynyŋ «Nauryz» saiabaǧynda jaŋa alleia paida boldy.

İgı bastamaǧa Ūlytau oblysyndaǧy barlyq dıni bırlestıktıŋ basşylary da belsendı qatysyp, bırlık pen tatulyqtyŋ jarqyn ülgısın körsettı.

Sondai-aq barlyq eldı mekende keŋ kölemdı tazalyq jūmystary da ūiymdastyryldy.

Aksiiaǧa oblys boiynşa 3335 adam jäne 1085 ūjym belsendı qatysyp, 58 arnaiy tehnika jūmyldyryldy. Nätijesınde 520 tonna tūrmystyq jäne öndırıstık qaldyqtar şyǧarylyp, öŋırdıŋ sanitarlyq jaǧdaiy aitarlyqtai jaqsardy.

Ūiymdastyruşylar men qatysuşylar atalmyş aksiianyŋ qorşaǧan ortany qorǧau mädenietın qalyptastyruda, sondai-aq ūrpaq tärbiesınde maŋyzdy röl atqaratynyn atap öttı.

Pıkırler