El öŋırlerınde şamamen 2,1 mln gektar auyl şaruaşylyǧy alqaptary egıldı. Köktemgı dala jūmystary agrotehnikalyq merzımderge säikes jürgızılude.
Egıs nauqany äsırese elımızdıŋ oŋtüstık öŋırlerınde qarqyndy jürıp jatyr.
Mäselen, Türkıstan oblysynda – 449,2 myŋ ga, Jambyl oblysynda – 306 myŋ ga, Jetısu oblysynda – 292,6 myŋ ga, Almaty oblysynda – 187,9 myŋ ga jerge egın egıldı.
Basqa öŋırlerde de egıs jūmystary bastaldy: Şyǧys Qazaqstan oblysynda – 156,3 myŋ ga, Abai oblysynda – 138,8 myŋ ga, Qostanai oblysynda – 85 myŋ ga, Aqmola oblysynda – 74,8 myŋ ga, Qyzylorda oblysynda – 52,5 myŋ ga, Pavlodar oblysynda – 56,9 myŋ ga, sondai-aq basqa aimaqtarda da egıs jürıp jatyr.
Köktemgı dala jūmystaryna daiyndyq aiasynda kelesı ıs-şaralar atqaryldy: 16,7 mln ga jerde ylǧal jabyldy, 6,1 mln ga alqapta sebuge deiıngı öŋdeu jürgızıldı, 1,7 mln ga jerde köktemgı jyrtu jūmystary oryndaldy.
Bügıngı taŋda 942,1 myŋ ga jerge dändı daqyldar, 242,8 myŋ ga jerge mal azyqtyq daqyldar, 492 myŋ ga jerge maily daqyldar, 118,8 myŋ ga jerge maqta, 71,8 myŋ ga jerge kökönıster, 57,7 myŋ ga jerge baqşa daqyldary, 32,5 myŋ ga jerge kartop, 15,6 myŋ ga jerge qant qyzylşasy, 26,3 myŋ ga jerge kürış jäne basqa daqyldar egıldı.
Egıs nauqanyn uaqtyly ärı tiımdı ötkızu üşın 866,8 myŋ tonna mineraldy tyŋaitqyş jetkızuge şarttar jasaldy. 254 teŋge/litr baǧamen (naryqtyq baǧadan 15% tömen) 401 myŋ tonna dizel otyny bölındı.
Biylǧy jylǧa arnalǧan tūqym qajettılıgı 2,3 mln tonnany qūraidy. Qamtamasyz etılu deŋgeiı – 100%. Zerthanalyq tekserıs nätijesınde tūqymnyŋ 99%-y kondisiialyq dep tanyldy.
Auyl şaruaşylyǧy ministrlıgı köktemgı egıs nauqanynyŋ barysyna monitoring jürgızudı jalǧastyryp, öŋırlerge qajettı ädıstemelık jäne ūiymdastyruşylyq qoldau körsetude.
