Ukraina prezidentı Vladimir Zelenskii Resei prezidentı Vladimir Putinnıŋ ekı el arasyndaǧy qaqtyǧysty retteu üşın kelıssözder ötkızu turaly ūsynysyna jauap berdı, dep habarlaidy "Adyrna" ūlttyq portaly.
Zelenskii būl jönınde özınıŋ barlyq resmi äleumettık jelılerınde jazba jariialady. Ukraina köşbasşysy kelıssözder mümkındıgı turaly jaŋalyqty «jaqsy jaŋalyq» dep atap, aldaǧy oqiǧalardan ümıt kütetının jetkızdı.
Onyŋ aituynşa, bükıl älem būl sättı ūzaq kütken. Kez kelgen soǧysty şyn mänınde toqtatudyŋ eŋ alǧaşqy qadamy — atysty toqtatu.
«Resei erteŋ, 12 mamyrdan bastap atysty tolyq, ūzaq merzımdı jäne senımdı türde toqtatatynyn rastaidy dep kütemız. Ukraina kezdesuge daiyn», – dep jazdy Ukraina prezidentı.
Būǧan deiın Vladimir Putin Ukrainaǧa 15 mamyr künı Stambūlda «aldyn ala şarttarsyz» kelıssözderdı qaita bastaudy ūsynǧan bolatyn.
