«Aqorda» rezidensiiasynda Qazaqstanǧa resmi saparmen kelgen Abu Dabidıŋ taq mūragerı şeih Haled ben Mūhammed ben Zaid Äl Nahaiandy saltanatty qarsy alu räsımı öttı. Būl turaly Aqordanyŋ baspasöz qyzmetı jazdy, dep habarlaidy «Adyrna» tılşısı.
Qasym-Jomart Toqaev märtebelı meimanǧa ıltipat bıldırıp, onyŋ būl sapary Qazaqstan men Bırıkken Arab Ämırlıkterı arasyndaǧy yntymaqtastyqqa tyŋ serpın beretınıne nazar audardy.
Prezidenttıŋ aituynşa, Ämırlıkter elımızdıŋ eŋ basty serıktesterınıŋ bırı. Qos memlekettıŋ maqsat-müddelerı bır-bırımen säikes keledı. 2023 jyly ekı el ükımetterı Strategiialyq investisiialyq jobalardy jüzege asyru turaly bırlesken deklarasiiaǧa qol qoidy.
Kezdesude Bırıkken Arab Ämırlıkterınıŋ Qazaqstan ekonomikasyndaǧy eŋ ırı şeteldık investorlardyŋ ondyǧyna kıretını jönınde aityldy. Byltyr BAÄ-nyŋ elımızge qūiǧan investisiia kölemı ekı esege artyp, rekordtyq körsetkışke jettı.
Memleket basşysy atalǧan sapar aiasynda qūny 5 milliard dollardy qūraityn 20-dan astam kommersiialyq kelısımge qol qoiylatynyn qūptady. Olardy jüzege asyru qos el arasyndaǧy strategiialyq yntymaqtastyqty aitarlyqtai ılgerıletıp, özara tiımdı bailanystardy nyǧaituǧa septıgın tigızedı.
Abu Dabidıŋ taq mūragerı körsetılgen qonaqjailyq üşın rizaşylyǧyn bıldırdı. Sonymen qatar tabiǧaty körkem, halqy jaisaŋ elımızge erekşe quanyşpen keletının jetkızdı.
