Ukraina prezidentı Vladimir Zelenskii Resei tarapy qatysatyn Ystanbūldaǧy kelıssözderge özı barmaitynyn mälımdedı. Būl turaly Zelenskii Ankaradaǧy Türkiia prezidentı Rejep Taiyp Erdoǧanmen kezdesuden keiıngı baspasöz mäslihatynda aitty, dep habarlaidy “Adyrna” ūlttyq portaly.
Aqparatqa säikes, Zelenskii kelıssözderge Ukraina qorǧanys ministrı Rustem Umerov bastaǧan delegasiiany jıberetının jetkızdı. Delegasiiaǧa oq atudy toqtatu mäselesın talqylauǧa tolyq mandat berılgenın atap öttı. Sonymen qatar, Zelenskii Resei prezidentı Vladimir Putinmen tıkelei kelıssözge şyǧuǧa daiyn ekenın taǧy da qaitalady.
«Ankarada joq, Ystanbūlda joq. Bız endı bükıl älemdı şarlap, ony ızdei bermeimız ǧoi», — dedı ol.
Zelenskiidıŋ aituynşa, Resei tarapy kelıssözderge älsız deŋgeidegı delegasiiany jıberıp, būl arqyly beibıtşılıkke qyzyǧuşylyǧy joq ekenın jäne serıktesterge degen qūrmettıŋ joqtyǧyn körsetken.
«Bügın Resei taǧy da soǧysty toqtatuǧa müddelı emestıgın körsettı. Mūndai delegasiia – beibıtşılık pen halyqaralyq serıktesterge degen qūrmettıŋ joqtyǧyn bıldıredı. Bız endı serıktesterden naqty jäne qataŋ reaksiia kütemız», — dep jazdy Ukraina prezidentı Telegram-arnasynda.
Al osyǧan deiın Kreml Ystanbūldaǧy kelıssözderge Resei prezidentınıŋ kömekşısı Vladimir Medinskii bastaǧan delegasiiany jıberetının habarlaǧan. Vladimir Putin özınıŋ kelmeitının aldyn ala mälımdegen.
Sonymen qatar, AQŞ prezidentı Donald Tramp ta kelıssözderge qatyspaitynyn mälımdedı. Būǧan deiın Zelenskii Tramptyŋ qatysatynyna ümıttengen edı.
Türkiia prezidentı Rejep Taiyp Erdoǧan bolsa, Ysanbūldaǧy kelıssözderde Putin men Zelenskiidı jeke qabyldauǧa daiyn ekenın aitty. Bıraq qazırgı taŋda būl taraptardan naqty kelısım joq.
