Qazaq psihoanalitigı, ǧalym jäne aǧartuşy Anna Kudiiarovanyŋ 70 jyldyq mereitoiyna orai «Psihoanaliz ömırde. Ömır psihoanalizde» atty halyqaralyq konferensiia ötedı. Būl ıs-şara älemnıŋ tükpır-tükpırınen jetekşı mamandardy bırıktıredı.
Anna Kudiiarova — psihoanaliz salasyndaǧy tūŋǧyş qazaq mamandarynyŋ bırı, psihoterapiia men psihoanalizdı Qazaqstanda jäne Ortalyq Aziiada damytuda ülken röl atqarǧan tūlǧa. Ol — Psihoanaliz jäne psihoterapiia institutynyŋ negızın qalauşy, bırneşe buyn terapevt mamandardy tärbielegen ūstaz. Onyŋ ǧylymi jäne täjıribelık eŋbekterı adamnyŋ ışkı älemın tereŋ tüsınuge, mädenietaralyq dialog ornatuǧa jäne psihoanalizdı qazaq qoǧamynyŋ erekşelıkterıne beiımdeuge arnalǧan.
Anna Kudiiarova – psihoanalitikalyq oidy keŋınen taratyp, būl baǧytty käsıbi jäne qoǧamdyq deŋgeide nyǧaituǧa zor üles qosqan körnektı ǧalym ärı aǧartuşy.
Baǧdarlama aiasynda qazırgı psihoanaliz teoriiasy men täjıribesındegı özektı mäseleler boiynşa baiandamalar men pıkırtalastar ötedı. Konferensiiaǧa AQŞ, Daniia, İtaliia, Resei, Qyrǧyzstan jäne Qazaqstannan tanymal sarapşylar qatysady.
Spikerler qatarynda — Anna Kudiiarovanyŋ ärıptesterı men şäkırtterı, tanymal psihoanalitikter, oqytuşylar men zertteuşıler bar. Olar psihoanalizdıŋ Ortalyq Aziiadaǧy damuyna ölşeusız üles qosqan tūlǧamen käsıbi jolda kezdesken.
Ötetın künı:
23 mamyr 2025 jyl — onlain
24 mamyr 2025 jyl — Almaty qalasyndaǧy offlain kezdesu /Almaty Resort Almerek /
Ūiymdastyruşylar:
Ortalyq Aziia Psihoanaliz İnstituty
Halyqaralyq psihoanalitikalyq qauymdastyq
Konferensiia taqyryptary keŋ auqymdy qamtidy — klinikalyq täjıribeden bastap terapiialyq üderıstegı özgerısterge, psihoanalizdıŋ mädeni qyrlary men qazırgı qoǧamdaǧy rölıne deiın.
Anna Kudiiarova — Qazaqstandaǧy psihoanalizdıŋ negızın qalauşylardyŋ bırı, köptegen ǧylymi eŋbekterdıŋ avtory, tūtas terapevtter buynyna jol aşqan ūstaz. Onyŋ psihoanalitikalyq bılım beru, ǧylymaralyq dialog pen psihoterapiia mädenietın damytudaǧy rölı el ışınde ǧana emes, halyqaralyq deŋgeide de joǧary baǧalanady.
Konferensiiaǧa qatysu — aldyn ala tırkeu arqyly.
Bailanys aqparaty, baǧdarlama jäne tırkeu formasy:
+7 747 955 69 44
