Teŋız kemelerınıŋ nemese salynyp jatqan kemelerdıŋ ipotekasyn tırkeu boiynşa Memlekettık qyzmet elektrondyq formatqa auystyru arqyly oŋtailandyrylǧan. Osy qyzmettı körsetudıŋ tiıstı standarty aǧymdaǧy jyldyŋ 19 qyrküiegınen bastap qoldanysqa engızıldı.
Endı qyzmet aluşylarǧa Aqtau qalasynda ornalasqan atalǧan äkımşılıktıŋ keŋsesıne nemese halyqqa qyzmet körsetu ortalyǧyna barudyŋ qajetı joq.
Ötınış beruşıge elektrondyq-sifrlyq qoltaŋba jäne İnternetke qol jetkızu jetkılıktı. «Elektrondyq ükımet» portalynda ol mälımetter nysanyn toltyryp, tölem şliuzı arqyly memlekettık baj töleidı (5 ailyq eseptık körsetkış nemese 12 625 teŋge) jäne osyndai şartta körsetılgen qūjattarmen keme ipotekasy turaly şarttyŋ skanerlengen köşırmesın tırkeidı.
Qyzmet bır jūmys künı ışınde körsetıledı.
Qarau nätijelerı boiynşa keme ipotekasyn tırkeu turaly kuälık nemese däleldı bas tartu ötınış beruşınıŋ «Jeke kabinetıne» avtomatty türde jıberıledı.
QR İİDM Kölık komitetınıŋ baspasöz qyzmetı
