AQŞ prezidentı Donald Tramptyŋ äkımşılıgı Garvard universitetın şeteldık studentterdı oqytu qūqyǧynan aiyrdy. Būl turaly AQŞ-tyŋ Işkı qauıpsızdık ministrlıgı mälımdedı, dep habarlaidy “Adyrna” ūlttyq portaly VVS-ge sıltep.
AQŞ-tyŋ ışkı qauıpsızdık ministrı Kristi Noem Garvard universitetınıŋ studenttermen almasu baǧdarlamalaryn jüzege asyruǧa arnalǧan sertifikatynyŋ küşın joiu turaly būiryq berdı. Amerikada oqudy josparlaǧan şeteldıkter F nemese M sanatyndaǧy viza aluy tiıs. Mūndai vizalardy tek şeteldık studentter men almasu baǧdarlamalary qatysuşylaryn qabyldauǧa sertifikattalǧan oqu oryndary (SEVP) ǧana räsımdei alady.
Būl endı Garvard universitetı şeteldık studentterdı qabyldai almaidy degendı bıldıredı. Qazırgı uaqytta Garvardta oqyp jürgen şeteldık studentter basqa universitetke auysuǧa mäjbür bolady, äitpese elde qalu qūqyǧynan aiyrylady.
Universitet mälımetı boiynşa, ötken oqu jylynda Garvardta şamamen 7000 şeteldık student oqyǧan — būl jalpy studentterdıŋ 27,2%-yn qūraidy.
«Äkımşılık Garvardty zorlyq-zombylyqty örşıtuge, antisemitizmge jäne Qytaidyŋ Kommunistık partiiasymen bailanys ornatuǧa jauapty dep sanaidy», — dedı Kristi Noem.
Ol sondai-aq universitetter üşın «şeteldık studentterdı qabyldau — qūqyq emes, artyqşylyq» jäne «olar oqu aqysynyŋ joǧary boluynan paida körıp otyr» dep atap öttı.
