Taşkentte ötıp jatqan karateden Aziia chempionatynda qazaqstandyqtar bügıngı jarys künınde tört altyn medal jeŋıp aldy, dep habarlaidy "Adyrna" ūlttyq portaly.
Eresekter arasyndaǧy qūrlyq bırınşılıgıne alǧaş ret qatysqan Daiiana Darenskaia 68 kelıge deiıngı salmaqta japondyq Kama Subasany finalda senımdı jeŋıp, chempion atandy.
Odan keiın tatamige şyqqan älem chempionatynyŋ qola jüldegerı Nūrqanat Äjıkenov (-75 kg) irandyq qarsylasyna eş mümkındık bermei, altyn medal ielendı.
Taǧy bır altyn medaldı Tokioda ötken Olimpiadanyŋ qola jüldegerı Sofia Berulseva (+68 kg) äkeldı. Ol japon sportşysy Sumire Sugitudy jeŋdı.
Būǧan deiın kumite baǧdarlamasynda Jolaman Biǧabyl da altyn medal enşılegen bolatyn.
«Qazaqstan qūramasy tört altyn, bır kümıs jäne tört qola medal jeŋıp, jalpykomandalyq esepte bırınşı oryndy ielendı», – dep habarlady QR Mädeniet jäne sport ministrlıgınıŋ baspasöz qyzmetı.
Ekınşı orynda – Japoniia (üş altyn, bes kümıs, tört qola), üşınşı orynda – Vetnam (üş altyn medalmen).
«Būl – Qazaqstan üşın Aziia chempionattarynyŋ tarihyndaǧy jalpykomandalyq eseptegı ekınşı jeŋıs. 2023 jyly Malaiziiada ötken chempionatta üş altyn medal bırınşı oryn aluǧa jetkılıktı bolǧan», – delıngen aqparatta.
Biylǧy chempionatqa 29 elden 421 sportşy qatysuda.
