Belgılı qazaqstandyq qytaitanuşy Konstantin Syroejkin 10 jylǧa sottalyp, arnaiy rejimdegı koloniiada aiybyn öteidı. Memleketke opasyzdyq jasaǧany üşın azamattyqtan aiyryldy. Būl turaly qūqyq qorǧauşy Ǧalym Aǧeleuov özınıŋ Facebook paraqşasynda jazdy dep mälımdedı "Fergana" aqparat agenttıgı.
«Sot jabyq öttı (...) K.L. Syroejkin kınäsın moiyndamai, barlyǧyn bilıktıŋ ar-ojdanyna tapsyratynyn mälımdedı jäne apelliasiia beruden bas tartty » delıngen jazbada.
Ferganaǧa bergen tüsınıktemede Aǧeleuov sot turaly ükımdı «oǧan jaqyn adamdardan» bılgenın jäne būl derekközder «däl» bolǧanyn aitty. Oǧan ükımnıŋ mälımetterı belgısız. «Dabyldy qaǧyp, būl ıstıŋ jariia etıluın talap etetın kezde barlyǧy ünsız qaldy. Qazır uaqyt joǧalttyq », - dep atap öttı qūqyq qorǧauşy.
Onyŋ aituynşa, endı ükımnıŋ egjei-tegjeiın bılu üşın advokatpen jäne Syroejkinnıŋ tuystarymen kezdesıp, soǧan bailanysty ǧalymdy qalai qorǧau jaily aqyldaspaq.
Konstantin Syroejkin - Qazaqstandaǧy qytaitanu salasyndaǧy jetekşı maman, saiasat ǧylymdarynyŋ doktory jäne Qazaqstan strategiialyq zertteuler institutynyŋ bas ǧylymi qyzmetkerı. Ol Qytaidy zertteu boiynşa Qazaqstan Respublikasynyŋ köptegen ǧylymi jobalarynyŋ jetekşısı jäne keŋesşısı boldy.
"Ferǧananyŋ" aqparat közderı onyŋ osy jyldyŋ aqpan aiynan berı jurnalistermen bailanysyn toqtatqanyn mälımdedı. Qysta Syroejkin,belgılı qazaqstandyq maman retınde, «Qazaqstandaǧy qytaitanu: jaǧdaiy jäne bolaşaǧy» konferensiiasyna qatysuy kerek edı, bıraq belgısız sebeptermen köpşılıkke körınbedı.
Mamyrdyŋ basynda ony arnaiy qyzmet ūstaǧandyǧy turaly qazaqstandyq jäne şeteldık BAQ habarlady. Sonymen bırge, Qazaqstannyŋ Ūlttyq qauıpsızdık komitetı ǧalymnyŋ osy jyldyŋ qaŋtarynda ūstalyp, 19 aqpanda qamauǧa alynǧanyn rastady.
"Adyrna" ūlttyq portaly
