Qazaqstan «Baiqoŋyr» keşenındegı bırqatar nysandardy öz balansyna qaitaruǧa niettı. Būl jönınde premer-ministr Oljas Bektenov mälımdedı, dep habarlaidy “Adyrna”.
«Baiqoŋyr» keşenınıŋ turistık äleuetıne erekşe nazar audarylyp otyr. Ony keŋeitu maqsatynda «Kazakh Tourism» AQ keşen aumaǧynda turizmdı damytu tūjyrymdamasyn äzırleu jūmystaryn jürgızude. 2024 jyldyŋ qaraşa aiynda ūlttyq naqyşta kiız üi tıgılıp, «Soiuz» zymyrandarynyŋ ūşyryluyn baqylauǧa arnalǧan QAZQOSMOS baqylau punktı salyndy. Sonymen qatar, qazaqstandyq tarapqa qaitarylatyn jäne jalǧa berıletın bırqatar turistık tartymdy nysandar boiynşa jūmys jürgızılude. Olar: «Nöldık kvartal», Gagarin samaljaiy (10-alaŋ), «Kottedj» qonaqüiı (2j-alaŋ), Montajdyq-zariadtau keşenı (112A-alaŋ), Dinamikalyq synaq stendı (112d-alaŋ). «Gagarin starty» nysanyn jalǧa beru prosesın osy jyldyŋ bırınşı jartyjyldyǧynda aiaqtau josparlanyp otyr», – dedı Bektenov mäjılıs deputattarynyŋ saualyna jauap bere otyryp.
Sondai-aq, onyŋ aituynşa, «İnfrakos» respublikalyq memlekettık käsıporny qazaqstandyq jäne reseilık turoperatorlarmen qyzmet körsetu şarttary boiynşa kelısımder jasasqan. Sonymen qatar GEORARK ARAL qoǧamdyq qorymen memorandumǧa jäne «Kazakh Tourism» AQ jäne «BSL consulting» JŞS-men üşjaqty yntymaqtastyq kelısımıne qol qoiylǧan. «Bäiterek» bırlesken käsıporny zymyran-ǧaryş keşenınıŋ negızgı nysandaryn qamtityn ekskursiialyq baǧdarlamalardy bekıttı.
2018 jyly «Bäiterek» ǧaryş-zymyran keşenın qūru jobasyn jüzege asyru maqsatynda «Zenit-M» keşenınıŋ nysandary Resei Federasiiasynyŋ jaldauynan şyǧarylyp, qazaqstandyq tarapqa qaitaryldy. Sodan berı būl keşennıŋ jūmysqa jaramdylyǧyn jäne maqsatqa sai paidalanuǧa daiyndyǧyn qamtamasyz etu üşın ol 010 biudjettık baǧdarlamasy şeŋberınde («Ǧaryş infraqūrylymyn saqtau jäne ony paidalanudy keŋeitu») qarjylandyrylyp keledı. 2025 jylǧa arnalǧan respublikalyq biudjettı
Premerdıŋ mälımetınşe, qazırgı uaqytta uäkılettı organdar «Baiqoŋyr» keşenındegı 69 avtokölık qūralyn jaldan şyǧaru mäselesın pysyqtap jatyr. Būl kölık qūraldary qoldanystaǧy zaŋnamaǧa säikes tırkeletın bolady.
«Bügınde «Ǧaryştyq tehnika jäne tehnologiialar», «Aeroǧaryştyq injeneriia» bılım beru baǧdarlamalary boiynşa (bakalavriat, magistratura, PhD) mamandardy daiyndau kelesı joǧary oqu oryndarynda jüzege asyrylyp jatyr: äl-Farabi atyndaǧy Qazaq ūlttyq universitetı, L.N. Gumilev atyndaǧy Euraziia ūlttyq universitetı, G. Däukeev atyndaǧy Almaty energetika jäne bailanys universitetı, Q.İ. Sätbaev atyndaǧy Qazaq ūlttyq tehnikalyq universitetı. Sonymen qatar kadrlar «Bolaşaq» halyqaralyq stipendiiasy aiasynda jäne Baiqoŋyr qalasyndaǧy Mäskeu aviasiia institutynyŋ «Voshod» filialynda daiyndalady», – dedı ükımet basşysy.
Qazaqstandyq ǧaryşkerler qatysatyn halyqaralyq ǧaryştyq baǧdarlamalarǧa kelsek, premer-ministr mūndai jobalar ūlttyq jäne halyqaralyq qajettılık bolǧan jaǧdaida ǧana jüzege asyrylatynyn atap öttı.
«Pilotty baǧdarlamalarǧa qatysu aitarlyqtai qarjylyq şyǧyndy talap etedı. Būl tek ūşuǧa ǧana emes, ǧaryşkerdı daiyndauǧa, ǧylymi baǧdarlamalarǧa, logistikaǧa jäne ūşudan keiıngı qyzmetterge de qatysty. Sondyqtan törtınşı qazaqstandyq ǧaryşkerdıŋ ūşuyn jüzege asyruǧa barynşa salmaqty ärı pragmatikalyq tūrǧydan qarau qajet. Eger jobanyŋ özektılıgı men negızdılıgı rastalsa, tiıstı şaralar halyqaralyq mındettemeler men eldıŋ qarjylyq-ekonomikalyq mümkındıkterıne sai jüzege asyrylady», – dep tüsındırdı Bektenov.
