Talǧarda kısı qolynan qaza tapqan Şerzat Polattyŋ ölımıne qatysty qylmystyq ıs boĭynşa memlekettık aĭyptauşy bolǧan Dana Särsenbai köpşılıkke ündeu jasady, dep habarlaidy «Adyrna» tılşısı.
Ol äleumettık jelılerde özınıŋ atynan jalǧan paraqşalar aşylǧanyn mälımdedı.
«Menıŋ Instagram äleumettık jelısındegı jalǧyz akkauntym — @s.d.n__. Ol tek otbasym men jaqyndarymmen baĭlanys ornatu üşın ǧana qūrylǧan. Būl paraqşada eşqandaĭ resmi jariialanym, pıkır nemese käsıbi sipattaǧy aqparat jariialanbaĭdy. Menıŋ atymnan aşylǧan basqa barlyq paraqşa – jalǧan. Menıŋ atymdy, qyzmetımdı nemese fotomdy rūqsatsyz paĭdalanu — zaŋsyz äreket jäne ol Qazaqstan Respublikasynyŋ zaŋnamasyna säĭkes jauapkerşılıkke tartylady»,—dep tüsındırdı Dana Särsenbai.
Prokuror jalǧan paraqşalarda türlı blogerlerge jazyluǧa şaqyrular jariialanatynyn, jalǧan saualnamalar men sıltemeler taratylatynyn, sondai-aq syĭlyqtar men ūtys oĭyndary uäde etıletının jetkızdı.
«Qūrmettı azamattar, sızderdı saq boluǧa, jalǧan aqparatqa senbeuge jäne ony taratpauǧa şaqyramyn. Mūndaĭ feĭk paraqşalar men jalǧan mälımetter qūqyq qorǧau organdaryna degen senımge nūqsan keltırıp, tergeu barysyna kerı äser etuı mümkın.
Iske qatysty barlyq resmi aqparat tek uäkılettı memlekettık organdardyŋ resmi arnalary arqyly ǧana jariialanady. Nazar audaryp, tüsınıstık tanytqandaryŋyz üşın alǧys aĭtamyn»,—dep tüiındedı ol.
<
