Jaiau jürgınşıler men kölık qūraldarynyŋ qozǧalysy osy jyldyŋ 1 qaraşasynan bastap toqtatylady dep josparlanuda.
Qazaq-özbek şekarasyndaǧy "Qonysbaev" ötkızu beketın qaita qūru üşın 2020 jylǧa deiın jabady. Būl turaly Özbekstannyŋ memlekettık keden komitetınıŋ resmi saitynda aitylǧan.
Salalyq vedomstvonyŋ mälımetınşe, jaiau jürgınşıler, jeŋıl jäne jük kötergıştıgı 3,5 tonnaǧa deiıngı jük kölıkterınıŋ qozǧalysy 1 qaraşadan bastap toqtatylady.
Osyǧan bailanysty Özbekstannyŋ memlekettık keden komitetı jaiau jürgınşıler, tauarlar men kölık qūralyn ötkızetın syrtqy ekonomikalyq qyzmetke qatysuşylar balama baqylau-ötkızu punktterı arqyly şekaradan öte alatynyn habarlaidy.
Qazaqstannyŋ "Qonysbaev" şekaralyq baqylau-ötkızu beketı Türkıstan oblysynda ornalasqan. Şekara ötkelınde Özbekstan jaqtan Taşkent oblysynyŋ Chinaz audanynda aşylǧan "Iаllama" ötkızu punktı bar.
