Qazaq handyǧynyŋ 550-jyldyq mereitoiyna arnalǧan merekelık şaralar aiasynda Qazaqstan Respublikasynyŋ mädeniet jäne sport ministrı A.Mūhamediūly, "Nūr Otan" partiiasy Töraǧasynyŋ bırınşı orynbasary Asqar Myrzahmetov jäne Oŋtüstık Qazaqstan oblysynyŋ äkımı B. Atamqūlov «Qazyna» etno-tarihi keşenın aşty dep habarlaidy QR Mädeniet jäne sport ministrlıgınıŋ baspasöz qyzmetı.
Saltanatty aşu räsımıne tanymal mädeniet, öner qairatkerlerı, ǧalym, tarihşylar, qoǧamdyq bırlestıkter ökılderı men aimaq jastary qatysty.Şaranyŋ aldynda Oblystyq tarihi-ölketanu mūrajaiynda Qazaq handyǧynyŋ 550 jyldyǧy monumentıne deiın qolöner, qylqalam şeberlerınıŋ körmesı öttı.Jaŋa keşennıŋ audany 75 gektar jerdı qūraidy. Keşenge «Bäidıbek bi» eskertkışı, «Nauryz» alaŋy, oblystyq tarihi-ölketanu mūrajaiy, ädet-ǧūryp jäne salt-dästür ortalyǧy, ippodrom bıryŋǧai säulet ansamblıne bırıktırıldı. Etnosaiabaqta aimaqtyŋ tarihi-mädeni eskertkışterınıŋ 27 maketınen tūratyn etno-tarihi saiabaq jäne tarihi qūndylyqtar ornatylǧan, al ortalyqta diametrı 21 metr bolatyn türlı-tüstı subūrqaq qoiylǧan.Etno-tarihi keşende Qazaq handyǧynyŋ 550 jyldyǧynyŋ monumentı ornatylǧan. Eskertkıştıŋ biıktıgı 15 metrdı qūraidy, ol qazaq ūlttyq oiulary salynǧan örılgen ekı arkadan tūrady.
Eskertkıştıŋ ortasynda biıktıgı 10 metr, enı 8 metrdı qūraǧan piramidalyq kompozisiia ornatyldy. Piramidanyŋ şetınde qazaq handyǧynyŋ bareleftık kompozisiiasy men «Qazaq handyǧyna 550 jyl» jäne Elbasy N.Nazarbaevtyŋ «Qazaq handyǧynyŋ 550 jyldyǧy būl ūlttyq tarihty ūlyqtau men bügıngı jetıstıkterdı laiyqty baǧalau» degen sözı oiylyp jazylǧan.
.jpg)
«Jailau» kölınıŋ jaǧalauyndaǧy eskertkıştıŋ qasynda qazaq auyly oryn tepken. Jaǧalaudaǧy demalys aimaǧynyŋ aumaǧy 15 gektardy qūraidy. Mūnda 4 rotonda ornatylyp, qaiyq stansasy, kölık tūraǧy jabdyqtalǧan. Būl etno-tarihi keşen qala tūrǧyndary men qonaqtarynyŋ süiıktı demalys ornyna ainalady.
.jpg)
Sonymen bırge Tonykök, Iаssaui, Farabi ǧasyrlarynan keiıngı 19-20 ǧasyrlardaǧy ǧūlamalarymyzdyŋ ösiet sözderı tasqa qaşalyp jazylǧan «Danalar ösietı» de bar būl jerde. Babalarymyzdyŋ köptegen ūlaǧatty, ǧibrat alarlyqtai tamaşa tälım-tärbie beretın ösietterı, ǧūlama oişyldar men şeşen-bilerden, aqyn-jyraular men sal-serılerden mūra, miras bolyp qalǧan parasaty – bügıngı ūrpaqqa önege. Olardyŋ danalyq boljamy, ǧibrat alarlyq sözderı men paiymdaulary bügınde halyqpen qaita qauyşyp, saiabaq törınen oryn aluda.Ūlttyq sport oiyndarynan jarys ötkızuge arnalǧan İppodrom aumaǧy da osy jerde ornalasqan.Şahardyŋ körkın aşyp, qala tūrǧyndary men qonaqtarynyŋ demalys uaqytyn ötkızuıne mümkındık beretın osyndai mädeni keşenderdıŋ öŋırlerde boi köterıp jatqandyǧy – Qazaqstannyŋ qarqyndy damyp kele jatqandyǧynyŋ taǧy bır aiǧaǧy.
