Qazaqstan ükımetı qazaqstandyqtardyŋ balyq aulau jäne auylşaruaşylyq öndırısınde mausymdyq jūmys ısteuı üşın Oŋtüstık Koreia ükımetınen rūqsat sūraidy, dep jazady «Kazahstanskaia pravda» SIM ökılı Aibek Smadiiarovqa sılteme jasap.
Būl prezident Qasym-Jomart Toqaevtyŋ tapsyrmasy boiynşa jasaldy, - dedı Aibek Smadiiarov. Qazırgı uaqytta qazaqstandyqtardyŋ Oŋtüstık Koreiada zaŋdy jūmyspen qamtyluy ekıjaqty yntymaqtastyqta qarastyrylmaǧan.
Koreiaǧa 30 künge vizasyz kıru jūmysqa ornalasudy qamtamasyz etpeidı, sondyqtan Koreiaǧa osy maqsatta jıberetın barlyq qazaqstandyq kompaniialar zaŋsyz jūmys ısteidı.
SIM Seul äuejaiynda «zaŋsyzdyqqa» şaǧymdanǧan qazaqstandyq äieldıŋ ısıne qatysty tüsınıkteme berdı. Äiel bilet satyp alyp, jūmys beruşı kompaniia arqyly qonaqüige tapsyrys bergen, bıraq şekaraşylar onyŋ kıruıne tyiym salǧan. Ol äielmen bırge taǧy 70 qazaqstandyq jertölege jetkızıldı, olarǧa tamaq satyp aluǧa da rūqsat berılmedı. Äieldıŋ qaltasynda tek teŋge bolǧan, sondyqtan qaitu biletın oǧan qyzy satyp aluǧa mäjbür boldy.
Qazaqstandyqtar Oŋtüstık Koreiada vizasyz 30 kün bola alady. Osy elde oqudy, jūmys ısteudı nemese tūrudy josparlaǧandar üşın būl ereje qoldanylmaidy. Resmi mälımet boiynşa Koreiada 10 myŋnan astam qazaqstandyq zaŋsyz jür.
10 qazanda jariialanǧan SIM-nıŋ būl mälımetterı respublikanyŋ bırınşı prezidentı Nūrsūltan Nazarbaevtyŋ nauryzda qazaq aktrisasy oinaǧan qyrǧyz migranty turaly filmge tüsınıkteme bergen sözın joqqa şyǧarady: «Qūdaiǧa şükır, men ärdaiym täuelsızdıktıŋ 27 jylynda qazaqstandyqtar eş jerde migrant bolǧan emes dep aittym» degen bolatyn Elbasy.
21 qazanda Oŋtüstık Koreiada jolda balany qaǧyp ketıp, oqiǧa ornynan qaşyp ketken migrant qazaqpen bolǧan oqiǧadan keiın Seul zaŋsyz şeteldıkterdı köşıru erejelerın qataŋdatu turaly şeşım qabyldady.
"Adyrna" ūlttyq portaly
