26 qazanda tústen keıin Nur-Sultanda "Astana" konert zalynyń mańynda polıııa on shaqty adamdy ustap áketti. Munda "oppozıııalyq qozǵalystyń mıtıngisi ótedi" dep buǵan deıin habarlanǵan. Arnaıy jasaq ókilderiniń birneshe adamdy ustaǵanyna Azattyq tilshisi de kýá boldy. Olardyń keıbiri jáı júrgenin aıtyp, polıııanyń ustaýyna narazy boldy. Ustalǵandardyń keıbiri "Qytaıǵa jol joq" dep aıǵaılady. Birneshe adam qujattaryn teksergen polıııa áreketine ashýlandy.
Azattyqtyń tikeleı efırin kórińiz:
Ustaýǵa baılanysty túsinikteme bergen Nur-Sultan qalalyq polıııa departamenti bastyǵynyń birinshi orynbasary Baqytjan Malybaev "Áblıazov uıymdastyrǵan mıtıngige" baılanysty azamattarǵa eskertý jasalǵanyn, "polıeıge qarsylyq kórsetkenderdiń" ustalǵanyn aıtty.
Almatyda da polıııa Tóle bı men Panfılov kóshesiniń qıylysynda onnan astam adamdy ustaǵan. Olardyń keıbiri Qytaı zaýyttarynyń salynýyna qarsylyq bildirip, talabyn aıta bastaǵan. Biraq polıııa olarǵa pikirin aıaqtatpady. Arnaıy jasaq "jáı júrmin" degen adamdardy da ustady. Ákimdik qyzmetkerleri "mıtıngi ornynda" júrgenderge taraý qajettigin aıtyp eskertti.
Azattyqtyń Shymkenttegi tilshisiniń habarlaýynsha, munda da "Naýryz" alańynda polıııa úsh adamdy ustap alyp ketken. Olardyń biri "Qytaı ekspansııasyna" qarsy ekenin bildirip, alańǵa sol pikirin aıtý úshin kelgenin aıtqan. Oqıǵany túsirý barysynda qara tústi qolshatyr ustaǵan eki adam ustaýlardy kameraǵa túsirgen Azattyq tilshisiniń jumysyna kedergi keltirdi.
Buǵan deıin ózin bılik opponenti retinde ataıtyn, shetelde júrgen qýǵyndaǵy burynǵy bankır Muhtar Áblıazov 26 qazanda jaqtastaryn kóshege shyǵýǵa shaqyrǵan. Qazaqstannyń bas prokýratýrasy "ruqsat etilmegen mıtıngige qatysý zańsyz" ekenin eskertip, mıtıngige shyqqan azamattardyń " qatań jazalanatynyn" habarlady.
"Azattyq" radıosy
