Gumilev atyndaǧy Euraziia ūlttyq universitetınde Qazaqstan tarihşylarynyŋ üşınşı kongresınde memleket tarihy institutynyŋ direktory, professor Bürkıt Aiaǧan 11 qyrküiektı Qazaqstan tarihşylarynyŋ künı dep ataudy ūsyndy, dep jazady «Azattyq» tılşısı.
Onyŋ sözınşe, būl data biylǧy jyldyŋ 11 qyrküiegınde prezident Nūrsūltan Nazarbaevtyŋ Qazaq handyǧynyŋ 550 jyldyǧy jaily baiandamasyna qatysty taŋdap alynǧan.
"Konstitusiialyq qūrylym tarihy jäne ūlt köşbasşysynyŋ rölı" dep atalatyn būl kongreske tek Qazaqstan tarihşylary qatysyp, baiandama oqyp jatyr.
Jiynda basqa da tarihşylar Qazaqstan memlekettılıgın qalyptastyrudaǧy "prezident Nūrsūltan Nazarbaevtyŋ rölı men qyzmetı" turaly aitqan.
Bürkıt Aiaǧan Azattyqqa sūhbatynda bılım jäne ǧylym ministrlıgınen doktorlyq dissertasiia qorǧauşylarǧa şeteldık ǧylymi jurnaldarǧa maqalasyn jariialau turaly mındettı alyp tastaudy sūrady. Onyŋ sözınşe, şeteldık jurnaldar "Qazaqstan tarihyna qyzyqpaityndyqtan" qazaqstandyq tarihşylardyŋ maqalalaryn baspaidy.
