Ruslan Tölegenovtyŋ esımı – jambyldyqtarǧa etene tanys. Jiyrma jylǧa juyq mümkındıgı şekteulı jandardyŋ mäselesımen ainalysyp kele jatqan azamttyŋ ısı köpke ülgı.
Ruslan Qanşybekūlynyŋ negızgı mamandyǧy - zaŋger. Kemtar jandardyŋ qūqyǧyn qyzǧyştai qorǧap jürgen ol 2000 jyldan bastap «Mügedekterdıŋ jastar qoǧamy» QQ töraǧasynyŋ orynbasary bolǧan. Araǧa bırneşe jyl salyp, iaǧni 2004-2013 jyldar aralyǧynda «Mügedekterdıŋ jastar qoǧamy» QQ töraǧasy boldy. Jauapty jūmysyn atqara jürıp, 2012 jyly «Jambyl oblystyq mügedektermen jūmys ısteu «ASAR» ūiymdar keŋesı» ZTQ-ın basqarsa, bügınde Jambyl oblysy äkımınıŋ mümkındıgı şekteulı azamattar mäselesı boiynşa keŋesşısı ärı Jambyl oblystyq «Asar» mügedektermen jūmysty ūiymdastyru ūiymynyŋ töraǧasy.
«Bala kezımnen ekınşı top mügedek bolǧandyqtan, kemtar jandardyŋ ömırınıŋ oŋai emestıgın jaqsy bılemın. Sol sebeptı, mügedekter mäselesımen ainalysyp, teŋızge tamǧan tamşydai bolsa, olardyŋ ömırlerın jeŋıldetuge bar küş-jıgerımdı salyp kelemın, - deidı ol aǧynan jarylyp.
Ruslan Tölegenovtyŋ aituynşa, 2000 jyldardyŋ basynda äleumettık jobalardyŋ köpşılıgı şet eldık grant beruşıler tarapynan qarjylandyrylǧan. Alaida uaqyt öte kele memleket mümkındıgı şekteulı jandar qūqyǧynyŋ qorǧaluyna baǧyttalǧan baǧdarlamalardy jüzege asyrdy jäne bügınde memlekettık äleumettık tapsyrys aiasynda mügedekterge arnalǧan äleumettık jobalarǧa köŋılı tolatynyn jetkızdı.
Ras, qazırgı taŋda mügedekterdı oqytu, jūmysqa ornalastyru, baspanamen qamtamasyz etu, olardyŋ jürıp-tūrularyna tiıstı jaǧdailar jasau, densaulyqtaryn oŋaltu, sauyqtyru syndy mäseleler bırtındep öz şeşımın tauyp keledı.
Dese de, Ruslan Tölegenov mügedekterdıŋ baspanaly boluy üşın memleket tarapynan älı de bolsa, bırqatar jeŋıldıkter qarastyrylǧanyn qalaidy.
- Ekınşı deŋgeilı bankter bırınşı, ekınşı toptaǧy mügedekterdı jūmysqa jaramsyz dep tanyp, nesie bermeidı. Al ipotekaǧa üi alu mäselesı tıptı qiyn. Osy özektı mäsele şeşılse eken,-dep jürekjardy tılegın jetkızdı.
Köpşılıktıŋ esınde bolar, ötken jyly Taraz qalasynda mümkındıgı şekteulı balalardy emdeuge arnalǧan ippoterapiia kluby aşylǧan bolatyn. Jylqy kluby Tarazdaǧy «Zerbūlaq» demalys aimaǧynda ornalasqan. Mūnda emdeu şaralary ötkızıletın ülken ippodrom da salynǧan. Osynau igı ıstıŋ basynda Ruslan Qanşbekūlynyŋ tūrǧanyn da maqtanyşpen atap ötuge äbden bolady.
«İppoterapiia – atqa mıngızıp emdeu, iaǧni at bioörısı serebraldyq sal auruyna şaldyqqan adamdar üşın paidaly. Attyŋ aiaǧy balanyŋ jürısın jıtı qadaǧalaidy. Bız damyǧan elderdıŋ täjıribesın qoldanyp, ony öz elımızde ıs-jüzıne asyryp otyrmyz », – dedı Ruslan Tölegenov.
Aqiqatynda myna döŋgelengen dünienı meiırımdılık deitın asyl sezım saqtap tūrǧandai körınedı. Demek, qoǧamda jomart jürektı jandar köp bolsa, taǧdyrdyŋ tälkegıne tap bolǧan adamdar da, ol qiyndyqtardy oŋai eŋsermek...
«ADYRNA»
ūlttyq portaly
