«Jaŋa älıpbi: emle, ädısteme jäne halyqaralyq täjıribe» respublikalyq ǧylymi-praktikalyq konferensiiasy seksiialyq otyrystary öttı

16.11.2019

3931

https://adyrna.kz/content/uploads/2019/11/img_5497.jpg

«Jaŋa älıpbi: emle, ädısteme jäne halyqaralyq täjıribe» atty respublikalyq konferensiia aiasynda 3 seksiialyq mäjılıs öttı. 

«Jaŋa älıpbi jäne ädısteme mäselelerı» seksiialyq otyrysynda 
4 spikerdıŋ baiandamasy tyŋdaldy.

Abylai han atyndaǧy Halyqaralyq qatynastar jäne älem tılderı universitetınıŋ Qazaq filologiiasy kafedrasynyŋ meŋgeruşısı, f.ǧ.k., dosent İshan Beibıt Jalelūly  «Jazu-syzu (grafika) oŋtaily boluy üşın ūlttyq älıpbi qūrastyru» taqyrybynda, Ahmet Baitūrsynūly atyndaǧy Tıl bılımı institutynyŋ aǧa ǧylymi qyzmetkerı, f.ǧ.k. Qarşyǧaeva Ainūr Aralbekqyzy «Qazaq tılınıŋ töl dybys qūramy»taqyrybynda,Qaraǧandy oblysynyŋ tılderdı damytu basqarmasy janyndaǧy Resurstyq tıl ortalyǧynyŋ bölım meŋgeruşısı Jaqanova Jūpar Rysqūlqyzy «Käsıbi bılıktı trener tūlǧasy» mäselesın köterse, al «Tıl-Qazyna» ūlttyq ǧylymi-praktikalyq ortalyǧynyŋ Ädısteme basqarmasynyŋ aǧa ǧylymi qyzmetkerı, f.ǧ.k.Salima Kenjemūratqyzy «Jaŋa qazaq älıpbiın meŋgertu jūmystary» taqyrybynda  baiandama jasady.

Sonymen qatar Ahmet Baitūrsynūly atyndaǧy Tıl bılımı institutynyŋ ǧalymdary Ämırjanova Näzira Serıkqyzy, Seiıtbekova Ainūr Ataşbekqyzy jaŋa emlenı oqytu ädıstemesı töŋıregınde öz oilaryn ortaǧa saldy. 

Seksiia otyrysyna Ahmet Baitūrsynūly atyndaǧy Tıl bılımı institutynyŋ mamandary, Y.Altynsarin atyndaǧy Ūlttyq bılım akademiiasynyŋ ǧalymdary, Abylai han atyndaǧy Halyqaralyq qatynastar jäne älem tılderı universitetınıŋ Qazaq filologiiasy kafedrasynyŋ meŋgeruşısı, Qaraǧandy oblysynyŋ tılderdı damytu basqarmasy janyndaǧy Resurstyq tıl ortalyǧynyŋ bölım meŋgeruşısı, Nūr-Sūltan qalasy äkımdıgınıŋ Tılderdı damytu jäne arhiv ısı basqarmasy «Ruhaniiat» kommunaldyq memlekettık mekemesınıŋ  qazaq tılı mamandary men ädıskerlerı qatysty.

«Kısı esımderı men geografiialyq ataulardyŋ jaŋa älıpbidegı taŋbalanuy» seksiialyq otyrysynda A.Baitūrsynūly atyndaǧy Tıl bılımı institutynda äzırlengen «Qazaqstan geografiialyq ataularynyŋ latyn grafikasy negızınde jazylu erejelerı» jäne «Qazaqstan azamattary aty-jönderınıŋ latyn grafikasy negızınde jazylu erejelerı» jobalary talqylandy. Otyrysqa Qazaq tılı älıpbiın latyn grafikasyna köşıru jönındegı Ūlttyq komissiia janyndaǧy Orfografiialyq jūmys tobynyŋ, Terminologiialyq jūmys tobynyŋ müşelerı, Qazaqstan Respublikasy Ükımetınıŋ janyndaǧy Respublikalyq terminologiia komissiianyŋ müşelerı qatysty. 

Jobany äzırleuşı f.ǧ.d., Qazaq tılı älıpbiın latyn grafikasyna köşıru jönındegı Ūlttyq komissiia janyndaǧy Terminologiialyq jūmys tobynyŋ müşesı Rysbergen Qyzdarhan jinalǧandardy ekı jobamen tanystyryp şyqty. Sondai-aq, täuelsız sarapşylar jäne «Tıl-Qazyna» ūlttyq ǧylymi-praktikalyq ortalyǧynyŋ Ǧylymi keŋesı ūsynǧan syn-pıkırlerge toqtalyp öttı.

Orfografiialyq jūmys tobynyŋ müşelerı Janar Qoŋyratbaeva men  Nūrsäule Rsalieva ereje jobalaryna bailanysty saraptama qorytyndylaryn oqydy. Sarapşylar ekı jobanyŋ mazmūndyq jaǧyna, sondai-aq erejege qoiylatyn jalpy talaptarǧa sai keluıne bailanysty pıkırlerın bıldırdı. Jobalardyŋ stilıne, qūrylymyna bailanysty öz ūsynystaryn bıldırıp, erejenıŋ keibır älı de tolyqtyrudy qajet etetın tūstaryn atap körsettı. 

Jaryssözde Qazaq tılı älıpbiın latyn grafikasyna köşıru jönındegı Ūlttyq komissiia janyndaǧy Terminologiialyq jūmys tobynyŋ müşesı, f.ǧ.d. Bekjan Äbduäliūly, Qūqyq qorǧau organdary akademiiasynyŋ Joǧary oqu ornynan keiıngı bılım beru institutynyŋ dosentı, f.ǧ.k. Bauyrjan Esımseiıtov jobanyŋ jalpy mazmūnyna bailanysty pıkırlerın bıldırdı. Orys tılınde būrmalanyp jazylǧan geografiialyq ataular men kısı esımderınıŋ qazaq tılındegı dūrys nūsqasyn beru qajettıgı basa körsetıldı. 

Konferensiia aiasynda latyn älıpbiınıŋ  Ministrlıkke ūsynylǧan nūsqalary saraptaldy. Olar:  Eskendır Tasbolattyŋ jobasy, Manas Saparbaevtyŋ jobasy, Nūrlan Tültebaev jobasy, Abzal Däurenbekūlynyŋ jobasy. Osy jobalar boiynşa Orfografiialyq jūmys tobynyŋ müşelerı, ǧalymdar Jantas Jaqypov, Qarlyǧaş Sarekenova, Zeinep Bazarbaeva, Janar  Jūmabaevalar ǧylymi saraptama jasady. Sonymen bırge būl älıpbi jobalaryna Aqparattyq süiemeldeu jäne tehnikalyq jetıldıru jūmys tobynyŋ müşelerı, IT mamandar Rymbek Izǧali, Arşat Oraz özderınıŋ oilaryn aitty.