Būryn dındı ūstanyp, namaz oqyp jürgen adamdarǧa halyq zor qūrmetpen qaraityn. Al qazır qoǧamda terıs dıni aǧymdardy ūstanuşy adamdardyŋ kesırınen keleŋsız oqiǧalar köbeiıp, dınnıŋ qadırın de bek ketırıp jıbergenı eşkımge jasyryn emes. Myna soraqy oqiǧa 2019 jyldyŋ 07 qaraşa künı qazaqylyqtyŋ qaimaǧy būzylmaǧan Zaisan qalasynda oryn aldy.
Taŋǧy saǧat 08.15 minutta audandyq polisiia bölımşesıne 1994 jyly tuǧan S. esımdı azamatşa kelıp aryzdanady. Aryzdanuşy qyz juyqta tanysqan A. esımdı namazhan jıgıt ony tünde avtokölık ışınde küş körsetıp, zorlauǧa ärekettengenın baiandady. Jäbırlenuşı qyz zorlyqşynyŋ äreketıne tübegeilı qarsylyq bıldırıp, avtokölıktıŋ terezesın syndyru arqyly qaşyp qūtylǧan. Taŋerteŋ polisiiaǧa aryzdanuǧa mäjbür bolǧan. Boijetken jıgıttıŋ namaz oqitynyn bılgendıkten odan eş küdıktenbei, iaǧni mūsylmanǧa jat äreket kütpegen.
Polisiia qyzmetkerlerı oqiǧa ornynan VAZ-21114 kölıgınıŋ tereze äinek synyqtaryn, jelqaǧar ūsaq bölşekterın, toqylǧan aq tüstı bas kiım, rezeŋke şaşbau, ūialy telefonnyŋ qaby, syrǧanyŋ bır jaq syŋaryn jäne juylǧan qan daqtaryn tapty.
Atalǧan oqiǧa boiynşa 1987 jyly tuǧan Q.A esımdı Zaisan qalasynyŋ tūrǧyny küdıktı retınde tanylyp, uaqytşa qamauǧa alyndy. Belgılı bolǧandai, küdıktı azamattyŋ dästürlı emes salafizm destruktivtı dıni aǧymynyŋ ideologiiasyn ūstanuşy ekendıgı anyqtaldy.
Atalǧan oqiǧa boiynşa sotqa deiıngı tergeu amaldary bastalyp, QR Qylmystyq kodeksınıŋ 121-babynyŋ 1-tarmaǧy boiynşa qylmystyq ıs qozǧaldy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz