Otan Anaǧa degen aq sezım, kırşıksız mahabbat ər adamnyŋ jüregınde tulap tūrady. Tuǧan jerdıŋ güldenuıne sübelı ülesın qosyp jürgen jannyŋ bırı "Elım-ai Dostyq" qoǧamdyq bırlestıgınıŋ jetekşısı Polina Kim.
Keiıpkerımız sanaly ǧūmyrynda qazynaly qazaq jerınen qūtty qonys tapqan özge etnos ökılderın otanşyl boluǧa şaqyryp, memlekettıŋ saiasi-mədeni ömırıne belsene aralasyp, özınıŋ azamattyq ūstanymyn bıldırıp keledı.
"Elım ai Dostyq" qoǧamdyq bırlestıgı Prezidentımız Qasym-Jomart Toqaevtyŋ "Syndarly qoǧamdyq dialog – Qazaqstannyŋ tūraqtylyǧy men örkendeuınıŋ negızı" atty Qazaqstan halqyna joldaǧan Joldauyn el ışınde keŋınen tüsındıru jūmystarymen ainalysyp jür.
Əsırese ol mektep oquşylary men kolledj jəne joǧary oqu oryndarynyŋ studentterımen jiı jüzdesudı jön köredı.
«Ötken jyly Qazaqstan halqy Assambleiasyna qarasty "Jaŋǧyru joly" respublikalyq forumyna qatystym. Onda ərbır etno-mədeni bırlestıktıŋ orynbasary sailanyp, onyŋ tıkelei jastar saiasatymen ainalysuy tiıs degen ūsynysty bırden qoldadym. Sebebı būl jastar saiasatyna jaŋa serpın beredı dep oilaimyn. Jalpy elımızde memleket tarapynan jastarǧa qoldau öte qarqyndy türde jürıp jatyr», - deidı ol.
Sondai-aq "Elım-ai Dostyq" qoǧamdyq bırlestıgı alǧaşqydardyŋ bırı bolyp, memleket basşysy Qasym-Jomart Toqaevtıŋ 2020 jyldy erıktıler jyly etıp jariialau turaly ūsynysyn qoldaityndyqtaryn, jergılıktı "Jambyl" telearnasy arqyly jetkızgen.
- Otandy süiu – ūly sezım. Elıŋe tyrnaqtyŋ ūşyndai bolsa da, jaqsylyq jasaǧanǧa ne jetsın! Men erıktılerdı memleketımızdıŋ naǧyz patriodtary dep esepteitın. Ülkenge qūrmet, kışıge ızet körsetıp, kışıpeiıldılık tanytu ülken adamgerşılık dep sanaimyn. Mıne, osyndai asyl qasietterdı tūla boilaryna jinaǧan jastar jaman bolmaidy, - deidı Palina Kim.
Juyrda atalǧan qoǧamdyq bırlestık Prezident joldauymen sabaqtastyra "Ūlt bırlıgı – ūly bailyq " konferensiiasy men "Bızdıŋ küşımız bırlıkte" atty jastar forumyn ötkızdı. Oǧan Nūr-Sūltan men Almaty qalalarynan arnaiy qonaqtar kelıp qatysty.
Būl dəstürlı alqaly jiynda ÜEŪ jyldy qortyndylap, keler jylǧa josparlar qūryldy.
«ADYRNA»
ūlttyq portaly
