Demokratiialyq memlekettıŋ basty körsetkışterınıŋ bırı – ükımettık emes ūiymdar bolyp sanalady. Olar qoǧamdyŋ är salasynyŋ damuyna yqpal jasap, el azamattarynyŋ qūqyqtaryn qorǧaidy. Osy tūsta Jambyl oblysynda ÜEŪ-nyŋ jūmysyn şiratyp, tyŋ serpın aluyna oblystyq ÜEŪ qauymdastyǧynyŋ töraiymy Ainūr Zauyrbekovanyŋ eleulı eŋbegın atap ötuge äbden bolady.
Ainūr Zauyrbekovanyŋ aituynşa, bügınde Jambyl oblysynda zaŋ jüzınde 600-ge juyq qoǧamdyq ūiymdar tırkelgen. San salany qamtyǧan ükımettık emes ūiymdardyŋ qatarynda, densaulyq saqtau, azamattardy tūraqty jūmysqa ornalastyru, jastar, äielder, qarttar men balalar, ekologiia, käsıpkerlık, sport aita bersek, būl tızım jalǧasyp kete beredı.
- Är saladaǧy qordalanǧan mäselelerge bilıktıŋ nazaryn der kezınde audaru jäne ol tüiıtkılderdı bırlese şeşu qoǧamdyq ūiymdardyŋ negızgı maqsaty,- deidı ol.
Sonymen qatar, aimaqtaǧy käsıpkerlık palatasy jastar käsıpkerlıgı keŋesınıŋ töraiymy Ainūr Zauyrbekova öŋırdıŋ käsıpkerlıgın damytuǧa üles qosyp, bırneşe jyldan berı jambyldyq jastardy käsıpkerlıkke baulyp, jeke ısterın aşuǧa ärı tabys tabularyna sep bolyp jür.
Biyl elımızdegı joǧary jäne arnauly oqu oryndary men mektep baǧdarlamalaryna «käsıpkerlık negızderı» pänı engızılgenı belgılı.
Būl bastamany «Atameken» Ūlttyq käsıpkerler palatasy men QR Bılım jäne ǧylym ministrlıgı bırlese jüzege asyryp otyr. Oqu oryndaryna bılıktı mamandardy daiyndau ısıne Ainūr Zauyrbekova da belsene atsalysuda.
Bügınde «käsıpkerlık negızderı» pänı boiynşa 10 audan men Taraz qaladasyndaǧy kolledjderdıŋ 22 oqytuşysyna interaktivtı tehnologiia ädısımen därıs oqylǧan.
Būǧan qosa, Ainūr Zauyrbekova basqaratyn ÜEŪ –nyŋ bastamasymen Jambyl oblystyq ışkı saiasat basqarmasynyŋ tapsyrmasymen äleumettık-käsıpkerlıktı damytudyŋ jaŋa baǧyty qolǧa alyndy. İnnovasiialyq jobanyŋ basty erekşılıgı – äleumettık mäselelerdı şeşudı jäne tabys tabudy közdeidı. Qazırgı taŋda äleumettık käsıpkerlık jobasyn qoǧamǧa keŋınen tanystyru maqsatynda tüsındıru-aqparattandyru jūmystary jürgızılude. Būl tyŋ bastama özınıŋ tyrnaqaldy jetıstıgıne de qol jetkızıp ülgerdı. Atap aitar bolsaq, Respublikalyq «ASAR» üşjaqty serıktestık forumy aiasynda ötkızılgen baiqauǧa oblystan 9 joba qatyssa, oblysta äleumettık käsıpkerlıktı damytu boiynşa baiqaular ūiymdastyrylyp, nätijesınde «Aqbūlaq» , «Şynaiy kömek», «Aqtös», «Äleumettık jūldyz» atty qoǧamdyq ūiymdarǧa şaǧyn granttar berılgen.
Sonda-aq ÜEŪ Qauymdastyǧy men oblystyq jūmyspen qamtudy üilestıru jäne äleumettık baǧdarlamalar basqarmasy bırlesıp bırqatar jūmystar atqarylǧan. Mysaly, «Luchşaia investisiia» jeke oqu ortalyǧynda 150 jūmyssyz adam menedjer, satuşy, grafikalyq dizain mamandyqtary boiynşa jaŋa käsıp meŋgerıp, onyŋ 60 paiyzy tūraqty jūmysqa ornalasqan.
«ADYRNA»
ūlttyq portaly
