2 mln teŋge jalaqyny kımder alady?

«Astana»  halyqaralyq qarjy ortalyǧynyŋ basqaruşysy Qairat Kelımbetov basqaruşy  qyzmetkerlerınıŋ jalaqysyn jariia ettı. «Bızde bonus joq. Jalaqy  «Bäiterek» holdingınıŋ deŋgeiındei bolady.  «Bäiterek» holdingınde basqaruşylar  orta eseppen 5 myŋ dollarǧa juyq jalaqy alady. Būl  şamamen 1 million 900 teŋge alady», - dedı Kelımbetov Mäjılıste. Bügın mäjılıste «Astana» halyqaralyq qarjy ortalyǧy turaly konstitusiialyq zaŋǧa özgerıster men tolyqtyrular engızu turaly konstitusiialyq zaŋ jobasy qaraldy. Zaŋ jobasy «investisiialyq rezident» ūǧymyn jäne Qazaqstanda «investisiialyq salyq rezidenttıgı»  baǧdarlamasyn engızudı közdeidı. İnvestisiialyq salyq rezidenttıgı baǧdarlamasy - qazırgı taŋda dünie jüzınde barynşa keŋınen taralǧan qūbylys. Qazaqstanda «Astana» halyqaralyq qarjy ortalyǧy bazasynda investisiialyq salyq rezidenttıgı baǧdarlamasyn qoldanu ūsynylady. Baǧdarlama maqsaty – investor men onyŋ otbasy müşelerıne Qazaqstanǧa köp märte kıru vizasyn beru arqyly investisiia tartu. «Bırınşı kezeŋde qarjy ortalyǧynyŋ äkımşılıgı qarajattyŋ zaŋdy-zaŋsyz jolmen tabylǧanyn tekseredı. Osydan keiın äkımşılık ışkı ıster ministrlıgıne tiıstı qoldauhat joldaidy. Ministrlık tiıstı hattama, proseduralarmen bes jyldyq vizany beru mümkındıgın tekseredı. Viza ışkı ıster ministrlıgı men ūlttyq qauıpsızdık komitetı Qazaqstan zaŋnamasyna säkes tolyq tekserıs jürgızgennen keiın ǧana berıledı. İnvestorǧa qoiylatyn şart – jyl saiyn halyqaralyq qarjy ortalyǧy birjasynyŋ qūndy qaǧazdaryna 60 myŋ dollar investisiialauy tiıs», - dedı zaŋ jobasyn tüsındırgen Kelımbetov Osydan keiın investisiialyq rezidentke bes jylǧa deiıngı merzımge kıru vizasy berıledı. Ärı qarai, investor elde tūryp jatqanyna 90 kün ötkennen keiın jäne biudjetke jyl saiynǧy mındettı tölemdı (7000 ailyq esep körsetkış – 2019 jyly 17,7 million teŋge) tölegennen keiın, Qazaqstannan tys jerlerdegı közderden paida bolǧan kırıster boiynşa jeke tabys salyǧyn töleuden bosatylady. Al Qazaqstan ışınde alynǧan kırısterge, salyq kodeksıne säikes, salyq salynady. Şeteldegı kırısterge salyq salynbaidy. «Astana halyqaralyq qarjy ortalyǧy» AQ Prezidentı Qairat Kelımbetovtıŋ aituynşa, mūndai ortalyq ekonomikany ärtaraptandyryp, tūraqty ekonomikany qūru üşın qajet. Onyŋ aituynşa, jergılıktı kapital naryǧyn damytu üşın älemnıŋ köşbasşy birjalarynyŋ strategiialyq serıktesımen bırlesıp, «Astana halyqaralyq qarjy ortalyǧynda» joǧary tehnologiialyq birja infraqūrylymy qūrylady. Ol älemnıŋ üzdık standarttaryna sai bolmaq.