Jambyl oblysynda «Qoljetımdı baspana», «Nūrly jer» baǧdarlamalary aiasynda myŋdaǧan otbasy qonys toiyn toilap jatyr. Sondai bır quanyşty jaŋalyq oblysqa qarasty Jaŋatas qalasynda boldy.
Jambyl oblysynyŋ 80 jyldyǧyna orai Jaŋatas qalasyna 70 päterlı tūrǧyn üi paidalanuǧa berıldı. Jaŋa qoŋys toiyn toilaǧandar negızınen köpbalaly jäne tūrmysy tömen otbasylar bolyp sanalady.
Sarysu audany äkımı Qanatbek Mädıbektıŋ aituynşa, «Qoljetımdı baspana», «Nūrly jer» baǧdarlamalary aiasynda şaǧyn qalada jandanyp keledı. Naqtyraq aitsaq, qaladaǧy köpqabatty tūrǧyn üiler qaita jaŋǧyrtylyp, paidalanuǧa berılıp jatyr.
«Tūrǧyn üi mäselesın şeşu jolynda tūrǧyndardy, äsırese jaǧdaiy tömen otbasylary men mümkındıgı şekteulı azamattardy tūrǧyn üimen qamtu üşın barlyq mümkındıkter qarastyryluda. Jyl saiyn bos tūrǧan köpqabatty üilerdı qalpyna keltırıp, el igılıgıne beru jūmystary jalǧasatyn bolady. Jyl soŋyna deiın 1-şaǧyn audandaǧy 120 päterlı taǧy bır köpqabatty üidı paidalanuǧa berudı josparlap otyrmyz. Jaŋa qūrylystar qala kelbetın jaqsartyp, ajaryna ajar qosumen qatar, köptegen otbasynyŋ baspanaly boluyna ülken mümkındıkter tuǧyzuda. Mıne, sonyŋ dälelı retınde ūzaq jyldar kezekte tūrǧan azamattar bügın jaŋa qonysqa ie bolyp otyr», – dedı audan äkımı Qanatbek Mädıbek.
Bügıngı taŋda Jaŋatas qalasynda kommunaldyq menşıktegı tūrǧyn üilerden päter alu kezegınde 1958 azamat tızımde tūr. Jyldan-jylǧa qala tūrǧyndarynyŋ sany köbeiıp keledı desek, osyǧan säikes, tūrǧyn üi kezegındegı tūrǧandar sany da arta tüsude.
Aita keteiık, qazırgı oblys äkımınıŋ bastamasymen öŋırde tūrǧyn üi kezegınde tūrǧan köpbalaly otbasylarynyŋ kezegı kelgenşe baspanamen qamtu maqsatynda 612 päterlı 11 jataqhananyŋ qūrylysy jürgızılude. Onyŋ segızı Taraz qalasynda, üşeuı audandarǧa tiesılı. Jyl soŋyna deiın 478 päterlı 9 jataqhanany paidalanuǧa beru josparlanǧan. Qalǧan 3 jataqhana 2020 jyly tapsyrylamaq. Qazırgı taŋda paidalanuǧa berılgen tūrǧyn üi kölemınıŋ jalpy aumaǧy 217,7 myŋ şarşy metrdı nemese naqty kölem indeksı 109,8 paiyzdy qūraǧan. Eseptı kezeŋde oblys boiynşa 18 568 adam tūrǧyn üi kezegınde tūr desek, onyŋ ışınde 1784-ı köpbalaly otbasy.
«ADYRNA»
ūlttyq portaly
