Qazaqstan Respublikasynyŋ  dın salasyndaǧy memlekettık saiasatyn  jüzege asyru  mäselelerın üilestıretın negızgı baǧdarlamalyq qūjattardyŋ bırı - dıni ekstremizm men terrorizmge qarsy ıs-qimyl jönındegı 2018 – 2022 jyldarǧa arnalǧan memlekettık  baǧdarlama ekenı bızge belgılı. Bız osy baǧdarlamanyŋ jūmysy jaily Şyǧys Qazaqstan oblystyq Dın ısterı basqarmasynyŋ basşysy Anuar Älmyrzaūly men sūhbattasqan edık:

- Anuar Älmyrzaūly, Qazaqstan Respublikasynyŋ  dın salasyndaǧy memlekettık saiasatyn  jüzege asyru  mäselelerın üilestıretın negızgı baǧdarlamalyq qūjattardyŋ bırı - dıni ekstremizm men terrorizmge qarsy ıs-qimyl jönındegı 2018 – 2022 jyldarǧa arnalǧan memlekettık  baǧdarlama ekenı bızge belgılı. Onyŋ negızgı maqsat-mındetterı men körsetkışterı turaly aityp berıŋızşı?

  -Elımızde dın salasynyŋ negızgı basym baǧyttaryn retteitın bırneşe ırgelı baǧdarlamalyq qūjattar bar. Bırınşıden, būl memlekettıŋ dın salasyndaǧy saiasatyn ıske asyruǧa arnalǧan  2017-2020 jyldarǧa arnalǧan tūjyrymdamasy, ūlttyq qauıpsızdık strategiiasy ıs-şaralarynyŋ jospary jäne basqalary. Al sız aityp otyrǧan dıni ekstremizm men terrorizmge qarsy ıs-qimyl jönındegı 2018 – 2022 jyldarǧa arnalǧan memlekettık  baǧdarlama, būl ekstremizm men terrorizm qauıp-qaterlerınıŋ aldyn-alu salasyndaǧy özektı mäselelerdı şeşudıŋ normativtık jäne ūiymdastyruşylyq negızı bolyp tabylady. Ol Qazaqstan Respublikasy Ükımetınıŋ 2018 jylǧy 15 nauryzdaǧy № 124 qaulysymen bekıtılgen. Baǧdarlamanyŋ basty maqsaty–dıni ekstremizm men terrorizmnıŋ qauıptı körınısterınen jeke adamnyŋ, qoǧamnyŋ jäne memlekettıŋ qauıpsızdıgın qamtamasyz etu. Baǧdarlamany jüzege asyruǧa köptegen memlekettık organdar qatysady. Al bızdıŋ oblystyq basqarma  būl  baǧdarlamany ıske asyruǧa üles qosyp jatqan ülken mehanizmınıŋ bır bölıgı ǧana. Qoǧamda radikaldy ideologiiaǧa qarsy immunittetı jäne radikaldy körınısterge nöldık tözımdılıktı  qalyptastyruǧa baǧyttalǧan dıni ekstremizm men terrorizmnıŋ aldyn alu şaralaryn jetıldıru būl baǧdarlamanyŋ basty mındetterınıŋ bırı. Jäne de adamdardy radikaldanuǧa itermeleitın syrtqy küşterdıŋ äserın tömendetu, sondai-aq  dıni ekstremizm men terrorizm faktılerın anyqtau jäne  ony boldyrmaudyŋ tiımdılıgın arttyru mındetterı de közdelgen. Baǧdarlamanyŋ maqsatty körsetkışterı: Aramyzda ekstremistık ideialardy taratyp,  dıni alauyzdyqty qozdyratyn adamdardyŋ  sanynyŋ azaitu;  Terroristık jäne ekstremistık sipattaǧy zorlyq-zombylyq äreketterdıŋ uaqtyly jolyn kesudıŋ ülesı; Qazaqstan Respublikasynyŋ aumaǧynda terroristık aktılerdıŋ saldaryn azaituǧa jäne joiuǧa, terrorizm aktılerıne toitarys  beruge, daiyndyq deŋgeiı; - Baǧdarlamanyŋ maqsat-mındetterı tüsınıktı boldy, al  negızgı baǧyttary turaly aityp berıŋızşı? -Aityp ötkenımdei, būl baǧdarlamany jüzege asyruda   köptegen memlekettık organdar bırlese jūmys ıstep keledı. Al dın ısterı basqarmasy öz tarapynan  myna baǧyttardy jüzege asyrady. Atap aitqanda, aimaqtaǧy konfessiiaaralyq kelısım men dıni ahualdyŋ tūraqtylyǧyn nyǧaitu, dıni bırlestıkterdıŋ özara qatynastaryn retteu, memlekettık qyzmetter körsetu jäne basqa da  şaralardy qabyldau.  Sondai-aq qoǧamnyŋ radikaldy körınısterge nöldık tözımdılıgın jäne terıs dıni  ideologiiaǧa qarsy immunitetın qalyptastyruǧa baǧyttalǧan aqparattyq-tüsındıru jūmystaryn jürgızu. Jäne de türlı dıni bırlestıktermen jäne dıni toptarmen aqparattyq-tüsındıru jūmystaryn jürgızıp,  destruktivtı dıni ideologiialardyŋ  äserınen zardap şekken adamdardy qaita oŋaltu şaralaryn ūiymdastyru, būqaralyq aqparat qūraldary men ǧalamtor jelılerınde destruktivtı dıni ideologiialarǧa qarsy aqparattyq-nasihat materialdaryn äzırlep taratu da negızgı  baǧyttarymyzdyŋ bırı.   - Şyǧys Qazaqstan oblysynda dın ahualdyŋ jaǧdaiy turaly ne aitasyz? -Jalpy alǧanda, aimaqtaǧy dıni ahualdy tūraqty dep aituǧa äbden bolady. Aǧymdaǧy jyldyŋ 1 jeltoqsandaǧy jaǧdai boiynşa oblysymyzda 314 dıni bırlestıkter men filialdar tırkelgen. Olardyŋ ışınde QMDB-ǧa qarasty 208 meşıt, 40 pravoslav şırkeuı, 58 protestanttyq jäne  6 katolik şırkeuı, sonymen qatar  1 krişnaittık, 1 iudeilık ǧibadathana bar.  Halyqtyŋ dındar bölıgıne 303 ǧibadat nysandary, 20 dıni qūlşylyq-räsımderdı atqaruǧa arnalǧan 20 oryn (namazhana), 15 chasoven, 1 ǧibadat etu bölmesı jūmys ıstep tūr. Aimaqta  28 missioner tırkelgen, olardyŋ 5-ı Qazaqstan Respublikasynyŋ azamattary, al 23-ı şeteldık azamattar. Dıni bırlestıkter men missionerlerdıŋ qyzmetın baqylauda Qazaqstan Respublikasynyŋ zaŋnamasyn būzuşylyqtar anyqtalǧan joq. Jürgızılgen äleumetık zertteulerge  süiensek saualnamaǧa qatysqan oblys halqynyŋ 85,6  paiyzy  dın salasyndaǧy qoldanystaǧy saiasatty oŋ baǧalaǧan,  al aimaqtaǧy dıni ahualdy joǧary  baǧalaityn halyqtyŋ ülesı 88,2 paiyzdy  qūrady.   - Dıni bırlestıktermen konfessiiaaralyq kelısımdı nyǧaitu jäne dıni ekstremizm men terrorizmnıŋ aldyn-alu maqsatynda özara bırlesken  ıs-şaralar  qalai jüzege asyrylady? -Bızde dıni konfessiialardyŋ ökılderımen syndarly dialog ornatu dūrys jolǧa qoiylǧan. Oblys äkımınıŋ jäne qalalar men audandardyŋ äkımderı janyndaǧy memlekettık organdar men konfessiialardyŋ özara qarym-qatynasynyŋ dialog alaŋy retınde qyzmet etetın  dıni bırlestıktermen bailanystar jönındegı keŋester qūrylǧan. Sonymen qatar, oblystaǧy dıni bırlestıkter jetekşılerınıŋ kluby jūmys ısteidı. Ramazan, oraza ait, qūrban ait, rojdestvo, pasha syndy dıni merekelerdıŋ äleuetı konfessiiaaralyq kelısımdı nyǧaitu üşın de qoldanylady. Dıni bırlestıkter arasynda aşyq esıkter künderı, qaiyrymdylyq aksiialary, türlı sporttyq jarystar da jiı ötkızılıp tūrady. Biyl Ruhani kelısım künı qarsaŋynda  ötken ruhani muzyka men poeziia keşıne dıni bırlestıkter men konfessiia ökılderı kelıp qatysty. Sondai-aq oblystaǧy dıni konfessiialar basşylarynyŋ oblystyq sezı, ruhani  muzyka keşı jäne basqa da mädeni-köpşılık şaralar ötkızıldı. Dıni bırlestıkterdıŋ aimaqtyŋ  mädenietın damytudan da tys qalmai,  belsendı qatysatyndyǧyn aita ketkenım jön bolar. Mysaly  Pravoslavie şırkeuınıŋ Qasiettı Troisa soborynda eparhiia mūrajaiy aşylyp, onda Şyǧys Qazaqstandaǧy pravoslavie dınınıŋ  damuyn aişyqtaityn qūndy eksponattar qoiylǧan. Sondai aq oblystyq «Halifa Altai» meşıtınde İslam mädenietı mūrajaiy da aşyldy. Ol jerde qazaq jerınıŋ  islamǧa deiıngı ejelgı kezeŋınen bastap,  islam dınınıŋ bızdıŋ jerımızde alǧaş taraluy men damuyn, bızdıŋ zamanymyzǧa deiıngı kezeŋderın köruge bolatyn qūndy jädıgerler bar. Qazırgı  zamanaui  ozyq  aqparattyq tehnologiialarmen jaraqtalǧan būl mūrajaidan  halqymyzdyŋ  tarihy men  ruhani bai mūralaryn, islam dınınıŋ qūndylyqtaryn körıp tamaşalauǧa bolady. Joǧaryda atalǧan igı ısterdıŋ bärıne oblys äkımı Danial Kenjetaiūly Ahmetov ärdaiym qoldau bıldırıp keldı.   -Halyqtyŋ dıni sauattylyǧyn  arttyru jäne  destruktivtı dıni ideologiialardan saqtandyru  maqsatynda  jürgızılıp jatqan jūmystar turaly aityp berıŋızşı? - Halyqtyŋ dıni sauattylyǧyn arttyrudyŋ negızgı jäne tiımdı tetıkterınıŋ bırı būl  – aqparattyq nasihat jūmysy. Aǧymdaǧy jyly oblysymyzda  jalpy sany 165 adamnan tūratyn 20 aqparattyq top  nätijelı jūmys ıstedı.  Atap aitqanda 1 - oblystyq, 4 – qalalyq jäne 15 – audandyq aqparattyq-tüsındıru toptaryna täjıribelı mamandar, teologtar, tarihşylar, psihologtarmen qatar qoǧam belsendılerı de tartylǧan. Olar 2019 jyl kölemınde 1 958 aqparattyq ıs-şaralar ötkızıp, nätijesınde 109789 tūrǧyn qamtyldy. Mamandardyŋ  bılıktılıgı men jūmystyŋ sapasyn arttyru maqsatynda aqparattyq-tüsındıru toptarynyŋ müşelerı üşın şeberlık synyptary, oqu seminarlary, ǧylymi-praktikalyq konferensiialar jiı ötkızılıp tūrady. Jürgızılgen aqparattyq-nasihattau jūmystarynyŋ jemıstılıgı äleumettık saualnamalardyŋ  nätijelerımen aiqyndaldy.  Iаǧni saualnamaǧa qatysqan halyqtyŋ köpşılıgı dın salasyndaǧy memlekettık saiasatqa oŋ baǧa berıp, destruktivtı dıni ideologiiaǧa degen jaǧymsyz közqarastary qalyptasqan. Sondai-aq  Qazaqstan qoǧamynyŋ  qūndylyqtaryn qūrmetteuge, özge  dınderge  toleranttylyq tanytyp, Qazaqstanda tūratyn özge etnos ökılderınıŋ  mädenietıne qūrmet sezımderınıŋ artqanyn baiqaimyz. -Tūrǧyndarǧa dın mäselelerı boiynşa keŋestık jäne praktikalyq kömek körsetu, «Qauyrt jelı» nemese «Senım telefony» jūmystary ūiymdastyrylǧan ba?   - Ärine, Şyǧys Qazaqstan oblysynyŋ dın mäselelerdı zertteu ortalyǧynda halyqqa dıni mäselelerı boiynşa keŋestık jäne praktikalyq kömek körsetu üşın qūrylǧan  8/7232 / 70-56-56  «Senım telefony» jūmys ıstep tūr. 2018 jyly «senım telefonyna»    tūrǧyndardan 32 ötınış kelıp tüsse, 2019 jyldyŋ aǧymdaǧy kezeŋınde dıni bırlestıkterdıŋ qyzmetıne, hidjab kiiuge, dın qyzmetkerlerınıŋ uaǧyz aituyna, otbasylyq jäne basqa da mäselelerge qatysty 20-dan astam ötınış kelıp tüsken.  Barlyq ötınışter qaralyp,  keŋester men jazbaşa tüsınıktemeler berıldı. Sondai-aq, Aqparat jäne qoǧamdyq damu ministrlıgı, Dın ısterı komitetınıŋ «114» senım telefony jūmys ısteidı, ol habarlasuşylarǧa psihologiialyq jäne teologiialyq tūrǧydan kömek körsetedı. Öskemen, Semei, Aiagöz qalalarynda jäne Ürjar auylynda destruktivtı dıni aǧymdardan zardap şeguşılerge  oŋaltu jäne keŋes beru bölmelerı bar.- Baǧdarlamada destruktivtı  dıni aǧymdardan zardap şegıuşılerdı qaita oŋaltu jūmystaryna da köŋıl bölınetını turaly jazylǧan.  Būl baǧytta jūmystyŋ qandai türlerı  men ädısterı qoldanylady. -Bügıngı taŋda bükıl älemde  radikaldy dıni ideologiialardyŋ taraluy syrtqy qauıpterdıŋ bırı bolyp tabylady jäne bız būl mäseleden tysqary  qalmaimyz.  Qazır bızdıŋ elımızde destruktivtı dıni ideologiialardy  ūstanuşylar bar ekendıgı de  eşkımge qūpiia emes. Būl ideologiialar osyndai adamdardy paidalanu arqyly qazaqstan qoǧam qūndylyqtary men ūlttyq dästürlerdı, ädet-ǧūryptardy joqqa şyǧaryp, qoǧamǧa ırıtkı salu arqyly   qol jetkızgen konfessiiaaralyq kelısımderdıŋ arasyna syna qaǧudy közdeidı. Sondyqtan būndai tūlǧalarmen jüielı adrestık jūmystar jürgızu basty mındetterımızdıŋ bırı.  Bügıngı taŋda būl jūmys Şyǧys Qazaqstan oblystyq dın mäselelerın zertteu ortalyǧynyŋ mamandaryna, teologtar, psihologtar men  dıntanuşylarǧa jüktelıp otyr. Olar terıs dıni aǧymdardyŋ ideologiiasyn ūstanuşy tūlǧalarmen  kezdesuler, pıkırtalastar, keŋester ötkızıp, tüsındıru jūmystaryn jürgızude. Oŋ nätijeler bar. -Qazır özektı mäselenıŋ bırı  - ǧalamtor keŋıstıgınde destruktivtı dıni ideologiialardyŋ taraluy. Būl baǧytta qandai jūmystar jürgızıp jatyrsyzdar?   -İia, şynymen de radikaldy dıni ideologiianyŋ negızgı  aǧymy ǧalamtor keŋıstıgı arqyly taraluda.  Äsırese ömırlık ūstanymy tolyq qalyptaspaǧan jastardy «VKontakte», «Telegram», «YouTube» arnalarynda jäne basqa da äleumettık jelılerde  öz baǧyttaryna qarai tartuǧa tyrysady.  Taŋqalarlyǧy ondai aqparattardyŋ  basym köpşılıgı qol jetımdı jäne aşyq alaŋdarda ornalasqan.  Bızdıŋ mındetımız – internette jastarymyzdy radikaldy dıni ideologiianyŋ äserınen qorǧau üşın qarsy-nasihattyq jūmystardy ūiymdastyru. Destruktivtı dıni ideologiiany nasihattaityn materialdardy anyqtau boiynşa jūmys jürgızılude.  Bızdıŋ mamandarymyz bırlese  olarǧa  qarsy-nasihat materialdaryn, audio jäne beine jazbalar daiyndap, tanymal internet jelılerınde taratuda. Tanymal äleumettık jelılerde jäne ǧalamtor qauymdastyqtarda 15 akkaunt ūiymdastyrylyp,  orys jäne qazaq tılderındegı «Adasudyŋ qūny», «Bögde senım» siiaqty  derektı filmder  belsendı türde taratyluda. Sonymen qatar Siriiadaǧy soǧys aimaqtarynan oralǧan adamdardyŋ jäne olarmen jūmys jürgızıp jürgen  teologtar men psihologtardyŋ da tüsındırmelerı jiı jariialanuda.  - Tüzetu mekemelerınde jazasyn öteuşılerdıŋ arasynda  dındı belsendı ūstanatyn adamdar  dıni bılımdı qaidan alady, sottalǧandarmen aldyn-alu jūmystary qalai jürgızıledı? -İä, dūrys aitasyz, tüzeu mekemelerındegı  jazasyn öteuşılerdıŋ  keibırı ärtürlı sebeptermen dınge bet būrady. Alaida olardyŋ arasynda  destruktivtı dıni aǧymdardyŋ jaqtauşylary bolyp tabylatyn adamdar da bar, olardyŋ yqpalyna basqa sottaluşylar tartyluy mümkın. Sondyqtan da tüzetu mekelerınde radikaldy dıni ideologiianyŋ taralu qaupın joqqa şyǧara almaimyz. Osyǧan bailanysty qylmystyq-atqaru jüiesıne qarasty tüzetu mekemelerınde  aldyn alu jūmystaryn jürgızu üşın teologiialyq qyzmet qūrylyp, inspektor-teologtarmen qamtylǧan. Sonymen qatar, jazasyn öteuşılermen Şyǧys Qazaqstan oblysynyŋ dın mäselelerdı zertteu ortalyǧy teologtary men mamandary jüielı türde jūmys ısteidı. Osy jūmys aiasynda teologtar men psihologtardyŋ, dın salasyndaǧy sarapşylardyŋ kezdesulerı, sottaluşylar arasynda türlı mädeni jäne sporttyq ıs-şaralar ötkızılıp tūrady. Sonymen qatar, dästürlı islamdyq jäne pravoslav hristiandyq şırkeuınıŋ dın qyzmetşılerı de profilaktikalyq jūmystarǧa qatysyp, sottalǧandarmen kezdesuler ötkızıp tūrady.   -Bügıngı taŋda jastarǧa  mektep qabyrǧasynan bastap ruhani - adamgerşılık dünietanymyn qalyptastyru mäselesı  öte maŋyzdy.  Öitkenı, özıŋız bılesız, qazırgı jastar jaǧymsyz  äserlerge öte beiımdelgış keledı.  Būl turaly ne aita alasyz?   -  Şynynda da, jastar ömırlık täjıribe men dıni bılımnıŋ joqtyǧynan, ǧalamtor arqyly kümändı uaǧyzşylardy tyŋdap, jat aǧymdardyŋ qarmaǧyna jyldam tüsedı. Nätijesınde, aqiqat pen jalǧannyŋ ara-jıgın ajyrata almai, azǧyruşylardyŋ  qaqpanyna qalai aŋdamai tüskenderın  özderı de aŋǧarmai qalady. Beibıt ömırde öz ornyn älı tauyp ülgermegen jas maksimalister osylaişa bırtındep radikaldy aǧymdarǧa tartylady. Osyǧan bailanysty jastarmen aldyn alu jūmystaryn jürgızu  öte maŋyzdy. Būl baǧytta bızdıŋ joǧaryda men atap ötken täjıribelı mamandardan qūralǧan  aqparattyq-nasihat tobynyŋ müşelerı jastarmen türlı kezdesuler ötkızıp,  dın mäseleler boiynşa tüsındıru jūmystaryn jürgızedı. Oquşylarmen jäne studentermen  debattyq turnirler, konferensiialar, psihologiialyq  treningter ötkızedı. Būl baǧytta bız «Parasat» konsultativtık-ädıstemelık ortalyǧy, «Salauat» jastar bırlestıgı jäne «Semei jastar assambleialary» siiaqty ükımettık emes ūiymdarmen bırlese jūmys jasaimyz. 2018 jyly memlekettık-äleumettık tapsyrys aiasynda «Salauat» jastar qoǧamdyq bırlestıgı «Aiagöz audanynyŋ jastary arasynda dıni ekstremizm men terrorizmnıŋ aldyn alu» jobasyn jüzege asyrdy. Sondai-aq aǧymdaǧy jyly «Semei jastary assambleialary» jastar bırlestıgı memlekettık tapsyrys aiasynda «Semei jastarynyŋ arasynda dıni ekstremizm men terrorizmnıŋ aldyn alu» jobasyn jüzege asyruda. Sonymen qatar, oblystyŋ bılım beru ūiymdarynda studentterdıŋ ruhani-adamgerşılık qasietterın qalyptastyryp, olarǧa ūlttyq dästür men qazaqstan qoǧamynyŋ  qūndylyqtaryn qūrmetteuge baǧyttalǧan   «Mäŋgılık  El»  atty  25 bılım beru ortalyqtary aşyldy. - Öŋırge dın salasynyŋ bılıktı mamandaryn tartu  mäselelerı  qalai şeşılıp jatyr? -  Şynynda da, bılıktı kadrlar mäselesı barlyq aimaqtarda özektı, öitkenı dın salasynyŋ  jūmysy tek teologiialyq bılımmen ǧana  emes, sonymen qatar psihologiia, äleumettanu, tarih jäne qūqyqtanu salasynda arnaiy bılımdı qajet etumen erekşelenedı.  Bügıngı taŋda oblystyq dın mäselelerın zertteu ortalyǧynda 18 teolog, sonymen qatar psihologtar, tarihşylar jäne dıntanuşylar kelısımşart boiynşa jūmys ısteidı. Olar jat aǧymdardy  jaqtauşy adamdarmen  jüielı jūmystar jürgızude. Bılıktı teologtardy, dıntanuşylar men  islamtanuşy ǧalymdardy daiarlau üşın  «Nūr Mübarak» islam mädenietı universitetınde oquǧa oblystyq biudjetten granttar bölınedı. Biylǧy jyly  bölıngen granttar boiynşa 6 adam bılım alyp jatyr. Aldaǧy jyldary da  ümıtkerlerdıŋ aimaqtan grant aluy josparlanuda. 2019 jyly osy universitettıŋ 4 tülegı bızge kelıp, qazır dın mäselelerın zertteu ortalyǧynda jūmys ıstep jür. 2017 jyly Şyǧys Qazaqstan gumanitarlyq kolledjı men Semei köpsalaly kolledjınde «İslamtanu», «İslam negızderınıŋ mūǧalımı» jäne «İmam Hatib» mamandyqtaryn  daiarlau boiynşa  lisenziia alyp, jūmysyn bastady. Qazır būl mamandyqtar boiynşa 65 student bılım aluda. Sonymen qatar, bızdıŋ dın ısterı basqarmasy jäne Dın mäselelerın zertteu ortalyǧy tarapynan dın salasynda jūmys ısteitın mamandar üşın jyl saiyn respublikamyzdaǧy jetekşı dıntanuşy ǧalymdar men teologtardy şaqyrtyp,  seminarlar men  treningter ötkızılıp tūrady. Biyl bılım berudıŋ 6  seminary, treningter, 2 şeberlık synyptary, respublikalyq jäne aimaqtyq konferensiialar öttı.  Mamandardyŋ köpşılıgı osy ıs-şaralarǧa qatysyp, bılıktılıgın arttyryp  sertifikattar aldy. Bız būl baǧyttaǧy  jūmystardy älı de  jalǧastyramyz. - Memlekettık baǧdarlamadan körıp  otyrǧanymyzdai, halyqtyŋ äleumettık, ekonomikalyq jäne mädeni ömırınıŋ maŋyzdy bölıkterın qamtyǧan köptegen ıs-şaralar ūsynylǧan.  Baǧdarlamanyŋ  jalpy nätijelerı qandai? - Memlekettık baǧdarlamany ıske asyru merzımı 2018 - 2022 jyldarǧa arnalǧan. Soŋǧy jyldyŋ qorytyndysy boiynşa dıni alauyzdyq pen  öşpendılıktı qozdyruǧa baǧyttalǧan ekstremistık ideialardy taratatyn adamdardyŋ sanyn azaitu jönındegı baǧdarlamanyŋ negızgı körsetkışı ıske asyrylǧanyn atap ötken jön. 2 jyl qorytyndysy boiynşa ondai adamdar sanynyŋ azaiuy 30 paiyzdy qūrady. Baǧdarlamanyŋ negızgı maqsatyna säikes - qoǧamda dıni ekstremizm men terrorizmnıŋ aldyn alu üşın radikaldy ideologiialar men radikaldy körınısterge nöldık tözımdılıkk immunitetın qalyptastyruǧa baǧyttalǧan şaralaryn jetıldırude  mynalardy atap ötu kerek: Bırınşıden, destruktivtı dıni  ideologiianyŋ taraluyna jol bermeu üşın memlekettık organdarmen özara ıs-qimyl jasau tetıgı qūryldy, vedomstvoaralyq komissiialar men jūmys toptary qūrylyp, özektı mäseleler şeşılıp, bırlesken ıs-şaralar ötkızılude. Baǧdarlama aiasynda dıni bırlestıktermen aşyq esıkter, sporttyq jäne mädeni ıs-şaralar ötkızu üşın  şyǧarmaşylyq jūmys türlerı qoldanyla bastady.  Olardyŋ arasynan dıni bırlestıkter köşbasşylary  klubynyŋ qyzmetın erekşe atap ötkım keledı. Sondai-aq radikaldy dıni ideologiialar taraluynyŋ oşaǧy bolyp tabylatyn internet-keŋıstıkte  qarsy-nasihat jūmystaryn  ūiymdastyruǧa arnalǧan özektı sūraqtar pysyqtaldy.  Būlarda qarsy nasihat jürgızu bölımı qūryldy.  Qarsy-nasihattyq mazmūnda materialdar äzırleu üşın teologtar toptary qūrylyp,  äleumettık jelı bloger toptary tartyldy.    

Sūhbattasqan

Ermek Qūrmanǧaliev

«Adyrna» ūlttyq portaly