Bügınde elımızde käskerlerdı qoldau baǧytynda auqymdy jūmystar atqarylyp jatyr. Mäselen käsıpkerlıktı damytu baǧytynda jeŋıldetılgen nesie berılıp, ısker azamattar,a qoldau körsetılude. Aldaǧy uaqytta «Damu» qory käsıpkerlerdı subsidiialau boiynşa elektrondy qūjat ainalymyna köşetın boldy.
«Damu» qorynyŋ oblystyq filialynyŋ direktory Baqytjan İsakovtyŋ aituynşa, «Biznestıŋ jol kartasy-2020» biznestı qoldau men damytudyŋ memlekettık baǧdarlamasy şeŋberınde subsidiialardy ūsynu öte maŋyzdy. Sondyqtan da ol memlekettık qyzmettı alu üşın «Damu» Qory, EDB jäne käsıpkerler arasynda üş jaqty şartqa qol qoiu endı elektrondy formatqa köşetının mälımdedı.
«Subsidiialau şartyna Ūlttyq kuälandyruşy ortalyqtyŋ elektrondyq-sifrlyq qoltaŋbasy men internet bolǧan jaǧdaida, uaqyty men ornalasqan jerıne qaramastan qol qoiuǧa bolady. Ötken jylǧa deiın şarttar boiynşa barlyq jūmystar dästürlı türde qaǧazda jürgızıldı jäne qaǧaz qūjat ainalymynyŋ özı bırşama sozyldy. Aǧymdaǧy jyldyŋ qyrküiek aiynan bastap Damu Qory elektrondyq qūjat ainalymy prosesın ıske qosty, ol elektrondyq-sifrlyq qoltaŋba qūraldaryn paidalana otyryp, subsidiialau şarttaryna elektrondyq türde qol qoiuǧa mümkındık beredı.
Qazırgı uaqytta Jambyl oblysy boiynşa segız bank subsidiialau şartyna elektrondy qol qoiuǧa köştı. Bügıngı künı Qor 26 subsidiialau şartyna qol qoidy», – deidı ol.
Bır sözben aitqanda 2020 jyldan bastap subsidiialau şartyna tolyq elektrondy qol qoiuǧa köşu josparlanuda. Sondai-aq ol QR Ükımetı «Biznestıŋ jol kartasy 2025» baǧdarlamasy qarap jatqanyn, osy jyldyŋ soŋyna deiın bekıtu josparlanyp otyrǧanyn tılge tiek ettı.
«Biznestıŋ jol kartasy 2025» baǧdarlamasynan käsıpkerlerdı qandai jaŋalyqtar kütedı. Bırınşıden, ainalym qarajatyn tolyqtyruǧa arnalǧan kreditter mölşerı 60-tan 360 mln. teŋgege deiın ūlǧaitylady.
Sondai-aq jas käsıpkerler üşın kredit kölemı 20-dan 60 mln. teŋgege deiın ūlǧaitylady. Būdan bölek memlekettık granttar somasyn 3 mln. teŋgeden 5 mln. teŋgege deiın ūlǧaitylyp, käsıpkerlerdıŋ erkın jūmys jasauyna mümkındık berıledı», – deidı ol.
«ADYRNA»
ūlttyq portaly
