Bızdıŋ qoǧamda «erıktıler» turaly äŋgıme qozǧalsa, bos uaqytyn qalai ötkızerın bılmei jüretın studenttıŋ beinesı köz aldymyzǧa keledı. Alaida «volonterlar» öskeleŋ jastardy eŋbeksüigıştık pen jaqsylyqqa itermelep, özınıŋ tuyp-ösken jerınıŋ damuy men güldenuıne septıgın tigızıp jürgen keŋ jürektı jomart jandar. Mıne, erıktılerdıŋ eŋbegın erlıkke balaǧan memleket basşysy Qasym-Jomart Toqaev 2020 jyldy – erıktıler jyly dep jariialap otyr.
Memleket basşysy erıktılerge degen közqarasty özgertu üşın damyǧan elderdegıdei volonterlıkke bütın bır sala retınde qarau qajettıgın jäne erıktı bolyp jürgen studentterdıŋ şäkırtaqysyn köteru mäselesın alǧa tartqan-dy. Älbette mūndai aqjoltai habar erıktılerdıŋ qataryn arttyrary kümänsız. Dese de, el qazynasynan qyruar qarjy bölınetın erıktıler jyly öz mındetın tisınşe atqara ala ma? Bızdıŋ jastardyŋ volonterlık qyzmet turaly tanym-tüsınıkterı, bılım-täjırbiesı köŋıl könşıtedı me? Jalpy, «erıktıler jylynan» ne kütemız? kökeidegı osyndai sūraqtardy oblystaǧy ükımettık emes ūiymdardyŋ ökılderıne qoiǧan bolatynbyz.
Sonymen, saulnamamyzǧa qatysqan Jambyl oblystyq ÜEŪ qauymdastyǧynyŋ töraiymy Ainūr Zauyrbekova «erıktıler jyly» jastarǧa mol mümkındık beredı dep sanaidy.
«Erıktı bolu – maŋyzdy ärı jauapty ıs. Qazaqstan üşın ǧana emes, bükıl älem üşın solai. Erıktılerdıŋ kömegıne zäru adamdar köp. Sebebı olar äleumettık mäselelerdı şeşuge atsalysady. Soǧan qaramastan, tegın ärı aianbai eŋbek etedı. Zaman aǧymyna bailanysty erıktı boludyŋ da türı özgerdı. Būryn erıktıler qorşaǧan ortany taza ūstap, ata-äjenıŋ üiıne baryp qolǧabys etse, al qazır memlekettık qoldaudyŋ arqasynda barlyq sala qamtyluda. Qyrküiekten bastap, QR Aqparat jäne qoǧamdyq damu vise-ministrıgı qoǧamdyq jūmysqa aralasqysy keletın erıktılerge arnaiy saitty ıske qosty, onda ärbır bılımger özınıŋ belsendı erıktılık qyzmetın ūsynyp, nätijesınde oqu aqysyn töleuge mümkındık almaq. Osylaişa erıktılerdıŋ eŋbegı elenbek, – deidı ol.
Al "Elım-ai Dostyq" qoǧamdyq bırlestıgınıŋ jetekşısı Polina Kim erıktıler jyly jastardy patriotylyqqa baulyp, olardy jappai jaqsylyq jasauǧa jūmyldyrady dep sanaidy.
«Azamattyq qoǧamnyŋ alǧa damuyna äser etetın bıregei küştıŋ bırı – erıktıler. Qazaqstanda nätijelı jūmystar atqaryp kele jatqan erıktılerdıŋ belsendılıgın türlı oqiǧalar oryn alǧanda jıtı aŋǧaramyz. Mäselen, Arys qalasynda oryn alǧan qaiǧyly jaǧdaida erıktıler jūdyryqtai jūmylyp, asarlatty. El riza boldy. Erıkteler jylynda qalamen qatar auyl jastaryn da qamtyp, olardyŋ özderın jan-jaqty jetıldırgenın qalaimyn, – deidı ol.
«ADYRNA»
ūlttyq portaly
