El Ükımetı būqaralyq sportty damytuǧa airyqşa nazar audaryp otyr. Al būqaralyq sporttyŋ damuy üşın azamattarǧa qolaily sport sarailary men sport alaŋşalary salynuy kerek.
Būl baǧytta Jambyl oblysy jospar boiynşa auqymdy jūmys atqaryp otyr. Aimaq basşysy Asqar Myrzahmetovtıŋ tapsyrmasyna säikes, oblysta şaǧyn sport alaŋşalaryna tügendeu jürgızılgen bolatyn. Osy saraptamanyŋ arqasynda öŋırge 266 sport alaŋşasy qajet ekenı nayqtalyp, naqty tapsyrma berıldı. Mäselen biyl öŋırde 174 sport alaŋşasyn salu joparlansa, bügınde onyŋ basym bölıgı paidalanuǧa berıldı. Naqtyraq aitsaq, biyl jyl basynan berı 134 sport nysany paidalanuǧa berılgen. Jyl soŋyna deiın taǧy 40-y aşylyp, sportpen şūǧyldanamyn degen azamattarǧa zor mümkındık tumaq.. Al, qalǧan 92 nysannyŋ mäselesı 2020 jyly tolyq şeşıledı dep kütılude.
Oblystyq sport basqarmasynyŋ basşysy Nūrbol Jünısbekovtyŋ aituynşa, Jambyl oblysynyŋ 80 jyldyǧyna orai Taraz qalasynda bırneşe sport alaŋşalary paidalanuǧa berıldı. Solardyŋ bırı «Jansaia» möltek audanynda ornalasqan «Alaş Arena» kışı futbol alaŋşalar keşenı.
«Jyl basynda oblys boiynşa 174 sport alaŋşasyn aşu josparlansa, «Alaş Arena» 134-şı sport alaŋşasy. Qalanyŋ halyq köp şoǧyrlanǧan aimaǧynan boi kötergen ǧimarat, jeke käsıpkerlerdıŋ qarjysyna salynǧan. Keşende standartqa sai 2 kışı futbol alaŋşasy, zamanaui ülgıdegı jattyǧu zaly men arnaiy kiım keşek auystyratyn jäne juynuǧa arnalǧan bölmelerı bar. Jyl soŋyna deiın jospar tolyq oryndalyp, keler jyly 92 alaŋşa berıledı dep kütılude. Al, biyl Taraz qalasy aumaǧynan 15 sport alaŋşasy boi köterse, onyŋ altauy biudjet esebınen, qalǧan toǧyz sport alaŋşasy jeke käsıpkerlerdıŋ qarjysyna salynǧan. Sonymen qatar jergılıktı biudjet esebınen bırqatar sport alaŋşalary qalpyna keltırılgen. Qazırgı jastardyŋ käsıbi sportşy deŋgeiıne jetuı üşın, osyndai sport alaŋşalar septıgın tigızedı», – dedı Nūrbol Jünısbekov.
Basqarma basşysy jergılıktı tūrǧyndardyŋ dene şynyqtyrumen ainalysuy üşın demeuşıler kömegımen 400 adamǧa arnalǧan 1 sport keşenı salyndy, biudjet esebınen taǧy ekeuınıŋ qūrylysy jürgızılude. Aita keteiık, jyl basynan berı oblys sportşylary ırı halyqaralyq jarystarǧa qatysyp, 14 sportşy jüldelı oryndardy ielense, onyŋ 1-ı Älem chempiony atandy.
«ADYRNA»
ūlttyq portaly
