10 jeltoqsanda Shyǵys Qazaqstan oblysynda kásipkerden 50 mıllıon teńge bopsalaǵan prokýrorlar qolǵa tústi
Qazaqstannyń ulttyq qaýipsizdik komıteti prokýratýra organdary qyzmetkerleriniń zańǵa qaıshy áreketiniń jolyn kesti.
"Ulttyq qaýipsizdik komıteti bas prokýratýranyń ishki tergeý departamentimen birlesip, 2019 jyldyń jeltoqsanynda prokýratýra organdary laýazymdy adamdarynyń jeke kásipkerlik ókilinen asa iri mólsherde aqshalaı qarajatty qorqytyp almaq bolǵan áreketiniń jolyn kesti", - dep jazylǵan UQK baspasóz qyzmetiniń habarlamasynda.
Atap aıtqanda, 2019 jyldyń 10 jeltoqsanynda Shyǵys Qazaqstan oblysynyń Óskemen qalasynda kásipkerden 50 mıllıon teńge mólsherinde qorqytyp aqsha alý kezinde Qazaqstan bas kólik prokýratýrasy qylmystyq qýdalaý basqarmasynyń aǵa prokýrory Áljappar Qutanov jáne ShQO prokýratýrasy qoǵam múddelerin qorǵaý basqarmasy bastyǵynyń orynbasary Aıdos Ramazanov qylmys ústinde ustaldy.
Ustalǵandarǵa qatysty Qazaqstan qylmystyq kodeksiniń 194-baby 4-bóligi 2-tarmaǵy ("Qorqytyp alý") boıynsha sotqa deıingi tergeý jalǵasýda.
Sputnik.
