10 jeltoqsanda Şyǧys Qazaqstan oblysynda käsıpkerden 50 million teŋge bopsalaǧan prokurorlar qolǧa tüstı
Qazaqstannyŋ ūlttyq qauıpsızdık komitetı prokuratura organdary qyzmetkerlerınıŋ zaŋǧa qaişy äreketınıŋ jolyn kestı.
"Ūlttyq qauıpsızdık komitetı bas prokuraturanyŋ ışkı tergeu departamentımen bırlesıp, 2019 jyldyŋ jeltoqsanynda prokuratura organdary lauazymdy adamdarynyŋ jeke käsıpkerlık ökılınen asa ırı mölşerde aqşalai qarajatty qorqytyp almaq bolǧan äreketınıŋ jolyn kestı", - dep jazylǧan ŪQK baspasöz qyzmetınıŋ habarlamasynda.Atap aitqanda, 2019 jyldyŋ 10 jeltoqsanynda Şyǧys Qazaqstan oblysynyŋ Öskemen qalasynda käsıpkerden 50 million teŋge mölşerınde qorqytyp aqşa alu kezınde Qazaqstan bas kölık prokuraturasy qylmystyq qudalau basqarmasynyŋ aǧa prokurory Äljappar Qūtanov jäne ŞQO prokuraturasy qoǧam müddelerın qorǧau basqarmasy bastyǧynyŋ orynbasary Aidos Ramazanov qylmys üstınde ūstaldy. Ūstalǧandarǧa qatysty Qazaqstan qylmystyq kodeksınıŋ 194-baby 4-bölıgı 2-tarmaǧy ("Qorqytyp alu") boiynşa sotqa deiıngı tergeu jalǧasuda.
Sputnik.
