Jambyl oblysynda öndırıs kölemı 6,5 paiyzǧa, negızgı kapitalǧa salynǧan investisiia 15 paiyzǧa artty. Būl turaly bügın QR Täuelsızdık künı merekesıne orai ötken saltanatty şarada oblys äkımı Asqar Myrzahmetov aitty.
Täuelsızdıktıŋ 28 jylǧy tarihynda elımızben bırge Jambyl öŋırı de ösıp, örkendeu men jaŋǧyryp, jaŋarudy bastan keştı. Aimaq basşysy saltanatty şarada baiandama jasap, Täuelsızdık taǧylymyna toqtalyp, baǧasyn baǧalai bıludıŋ maŋyzdylyǧyn jetkızdı. Sondai-aq, aimaqta atqarylǧan auqymdy jūmystar barysyn tılge tiek ettı.
«Bügınde Jambyl oblysy serpındı damu jolyna tüstı dep aituǧa bolady. Biyl oblystyŋ aralyq ekonomikalyq ösımı 5 paiyzdan asady. Önerkäsıp öndırısınıŋ kölemı 6,5 paiyzǧa, negızgı kapitalǧa salynǧan investisiialar 15 paiyzǧa artty. Būl rette jeke investisiialardyŋ ülesı 20 paiyzǧa artty», - dedı Asqar Myrzahmetov.
Öŋırde, «Eŋbek» baǧdarlamasyna 36 myŋ adam qatysyp, 27 myŋ adam jūmyspen qamtylǧan. 18 myŋ jaŋa jūmys orny qūryldy, onyŋ ışınde 11,5 myŋy tūraqty.
«Bılım beru salasynda 15 mektepke deiıngı ūiym aşyldy, 3 jastan 6 jasqa deiıngı balalardy qamtu 100 paiyzǧa jettı. Sondai-aq, auyl halqyn alǧaşqy medisinalyq kömek nysandarymen 100 paiyz qamtu, biyl 65 medisinalyq mekeme salu nätijesınde bolyp otyr. Jambyldyqtardyŋ äl-auqatyn jaqsartuǧa memlekettık jäne salalyq baǧdarlamalar baǧyttalǧan», - dedı Asqar Myrzahmetov.
Şara barysynda QR Prezidentınıŋ Jarlyǧyna säikes memlekettık jäne qoǧamdyq qyzmette cıŋırgen eŋbegı, eldıŋ äleumettık-ekonomikalyq jäne mädeni damuyna, halyqtar arasyndaǧy dostyq pen yntymaqtastyqty nyǧaituǧa qosqan eleulı ülesı üşın nagradtalǧan bırqatar azamattarǧa marapattary tabystaldy.
Atap aitsaq, «Qūrmet» ordenıne ie bolǧandar qatarynda jazuşy, «Jambyl» jurnalynyŋ bas redaktory Nesıpbek Däutaev, «Qazfosfat» JŞS Jambyl filialynyŋ (JJFZ) bas injenerınıŋ orynbasary Aleksandr Malyş, aqyn, eŋbek ardagerı Şyryn Mamaserıkova, oblys äkımınıŋ apparatynyŋ basşysy Rüstem Däulet, «Tarazenergoortalyq» AK basqarma töraǧasy Baqbergen Mäulenov, Moiynqūm audanynyŋ äkımı Mäden Mūsaev, «Meiırım» medisinalyq ortalyǧynyŋ direktory Güldara Nūrymova, oblysy äkımdıgınıŋ energetika, tūrǧyn üi-kommunaldyq şaruaşylyq basqarmasynyŋ basşysy Nūrlan Aldamjarov, oblysy äkımdıgınıŋ mädeniet, arhivter jäne qūjattama basqarmasy basşysynyŋ orynbasary Sara Mädieva bar.
Al, «Qazfosfat» JŞS «Mineraldy tyŋaitqyştar» zauytynyŋ №1 sehynyŋ slesar-jöndeuşısı Jeksen Äkıjanov pen «Jambyl elektr jüiesı» filialynyŋ Krasnogor taratu elektr jüiesı elektoslesarı Eduard Ştark III-därejelı «Eŋbek Daŋqy» ordenımen marapattaldy. Būl nagradany Nūr-Sūltan qalasynda Memleket basşysynyŋ öz qolynan alǧandar arasynda Taraz qalasynyŋ tūrǧyny «Qazaqstan temır joly-Jük tasymaldau» AQ «Jambyl jük tasymaldau bölımşesı» Jambyl paidalanu lokomotiv deposy vagon qarauşy-jöndeuşısı Nikolai Homutenko da bar ekenın aityp ötu kerek.
Sondai-aq, Taraz qalasynyŋ tūrǧyny «Ainūry» tatar-başqūrt mädeni ortalyǧy» qoǧamdyq bırlestıgınıŋ töraǧasy Amir Halikov II därejelı «Dostyq» ordenımen, Kenen Äzırbaev atyndaǧy Jambyl oblystyq filarmoniiasynyŋ ärtısı Baqyt Şaǧyrbaev «Qazaqstannyŋ Eŋbek sıŋırgen qairatkerı» ataǧymen marapattalǧan.
Jiynda özge de bırqatar azamattarǧa «Eren eŋbegı üşın», «Şapaǧat» medaldarı, QR-nyŋ «Qürmet» gramotalary, QR Prezidentınıŋ Alǧys haty jäne «Barys» tösbelgısı tabystaldy. Şara soŋy jergılıktı önerpazdardyŋ konuerttık baǧdarlamasyna ūlasty.
«ADYRNA»
ūlttyq portaly
