Bügınde elımızdegı eŋ ötkır mäselenıŋ bırı baspana mäselesı ekenı aitpasa da tüsınktı jäit. Osyǧan orai Ükımet qarapaiym halyqty baspanamen qamtityn keşendı baǧdarlamalar jasap, halyqqa ūsynuda.
Qazırgı taŋda Jambyl oblysynda «Baqytty otbasy» baǧdarlamasy aiasynda oblys boiynşa 2 milliard 902 millionǧa juyq teŋge somasynda 338 ötınış qabyldanǧan. Qabyldanǧan qūjattar ışınde 258 otbasy jalpy 2 milliard 234 millionnan astam teŋgemen nesielendırılıp, baspanaǧa ie bolyp ülgerdı. Oblystyq qūrylys basqarmasynyŋ basşysy Jaiyqbai Şaldarov 80 otbasy üşın 680 millionǧa juyq teŋgenıŋ ipotekalyq nesiesı räsımdelıp jatqanyn mälımdedı.
«Elımızde aǧymdaǧy jyldyŋ şılde aiynan bastap – «Nūrly jer» baǧdarlamasy aiasynda «Baqytty otbasy» biudjettık nesielendıru baǧdarlamasy ıske qosylǧany belgılı. Aita ketu kerek, atalǧan baǧdarlamaǧa tek qana 3 sanat boiynşa äleumettık az qamtylǧan, iaǧni 4 jäne odan da köp balasy bar, mümkındıgı şekteulı bala asyrap otyrǧan jäne tolyq emes otbasylar qatysa alady. Taraz qalasy boiynşa jalpy tūrǧyn üi kezegınde tūrǧan 18 myŋ 565 azamattyŋ 1794-ı osy sanattaǧylar. Jalpy, tūrǧyn üi kezegıne tırkelmegen azamattarǧa joldama berılmeidı. Negızınen, respublika boiynşa būl baǧdarlamaǧa 50 milliard teŋge qarjy bölıngen. Sonyŋ ışınde bızdıŋ oblysqa tiesılısı 3 milliard teŋge kölemınde. Atalǧan baǧdarlama üş jyl boiy jüzege asyrylatynyn eskersek, būl uaqyt ışınde talai otbasynyŋ baspanaly bolary anyq», - deidı Jaiyqbai Şaldarov.
Basqarma basşysynyŋ aituynşa, atalǧan baǧdarlama boiynşa «Taraz qalasy äkımdıgınıŋ tūrǧyn üi qatynastary bölımı» kommunaldyq memlekettık mekemesınıŋ tarapynan tūǧyn üi kezegınde tūrǧan azamattarǧa joldama berılıp, «Qazaqstan tūrǧyn üi jinaq bankı» oblystyq filialyna ötınışterı tırkelude.
Qala aumaǧynan aǧymdaǧy jyldyŋ tamyz aiynan bastap köpbalaly otbasylarǧa jekeşelendıru qūqyǧynsyz 142 päter satyp alynu üstınde. Sondai-aq «Qarasu» şaǧyn audanynda oblys äkımınıŋ tapsyrmasy boiynşa 180 päterlı tört jataqhana salynyp, kezekte tūrǧan köpbalaly otbasylarǧa zaŋ aiasynda ülestırılmek. Aimaqta atalǧan baǧyttaǧy jūmystar aldaǧy jyldary jalǧasyn tabady.
«ADYRNA»
ūlttyq portaly
