Bas prokurordyŋ orynbasary Marat Ahmetjanovtyŋ aituynşa, kelesı jyldan bastap qoǧam üşın asa maŋyzdy norma qoldanysqa engızıledı
Qazaqstanda qylmystyq zaŋnamany jetıldıru aiasynda kölıktı mas küiınde jürgızgenı üşın jaza küşeitıledı, dep habarlaidy"Adyrna" Sputnik Qazaqstan-ǧa sılteme jasap.
Bas prokurordyŋ orynbasary Marat Ahmetjanovtyŋ aituynşa, bügıngı jaza sau jürgızuşıge de, mas jürgızuşıge de bırdei. Kelesı jyldan bastap osy norma özgeredı.
"Mäselen, qazırgı jol jüru erejelerı boiynşa mas küiınde ūstalǧan jürgızuşını kölık jürgızu qūqyǧynan ekı jylǧa aiyryp, 40 künge deiın qamauǧa alsa, jaŋa norma boiynşa ondai adamdar bır jylǧa deiın bas bostandyǧynan aiyrylady. Oǧan qosa, on jylǧa deiın kölık jürgızu qūqyǧynan aiyru qarastyrylǧan", - dedı Ahmetjanov astanada ötken baspasöz mäslihatynda.
Al kölık jürgızuşısı mas küiınde bıreudı mert qylsa, 7-10 jylǧa türmege qamalady. Ondai adamdar ömır boiyna kölık jürgızu qūqyǧynan aiyrylady.
"Sosyn, kölık jürgızu qūqyǧynan aiyrylǧan adam rölde mas kezınde ūstalsa da, ömır boiyna kölık qūjatynan aiyrylady. Būdan bölek, mas jürgızuşını 30 künge deiın qamauǧa rūqsat etıledı", - dep atap körsettı Marat Ahmetjanov.Aita keteiık, memleket basşysy Qasym-Jomart Toqaev tiıstı zaŋǧa qol qoiǧan bolatyn.
