«Aq jol» partiiasy Ūlttyq banktıŋ lauazymdy tūlǧalaryn deputattyq saualǧa jauap beru merzımderın būzǧany üşın jauapqa tartudy talap etedı
«Aq jol» partiiasy Ūlttyq banktıŋ lauazymdy tūlǧalaryn deputattyq saualǧa jauap beru merzımderın būzǧany üşın jauapkerşılıkke tartudy talap etedı. Būl turaly bügın «Aq jol» parlamenttık partiiasynyŋ deputaty Erlan Barlybaev Mäjılıstıŋ jalpy otyrysynda aitty.
Qazaqstan Respublikasy
Ūlttyq Bankınıŋ töraǧasy
E.A.Dosaevqa
2019 jylǧy 13 qaraşada «Aq jol» fraksiiasy sızge ekonomikalyq daǧdarys jyldarynda memleket bölgen qarajattan ekınşı deŋgeilı bankterge naqty biznestı nesieleu mäselesı boiynşa deputattyq saual joldaǧan bolatyn. Sūrauda bız: 1) 2008 jyldan bastap qazırgı uaqytqa deiın bank sektoryn qoldauǧa türlı közderden, onyŋ ışınde Ūlttyq qordan jäne Bıryŋǧai jinaqtauşy zeinetaqy qorynan qanşa qarajat bölındı? 2) Zaŋdy tūlǧalarǧa, sondai-aq şaǧyn jäne orta bizneske sol kezeŋge olar boiynşa eseptelgen syiaqylardy, ösımpūldar men aiyppūldardy eseptemegende ekınşı deŋgeidegı bankterdıŋ nesielerınıŋ taza mölşerı qanşa? 3) Sol jyldary ekınşı deŋgeilı bankter Qazaqstan Respublikasy Ūlttyq Bankınıŋ notalaryn qandai mölşerde satyp aldy? 4) Memlekettık qoldau bankterdıŋ biznestı nesieleu jäne Ūlttyq Banktıŋ notalaryn satyp aludaǧy ülesı qanşa? 5) Qazaqstannyŋ jalpy ışkı önımınıŋ jyl saiynǧy ösuıne ekınşı deŋgeidegı bankterge memlekettık kömektıŋ äserı qalai baǧalanady jäne bank sektorynyŋ biudjettıŋ kırısıne qosatyn ülesı qandai? degen saualdardy köterdık. Bız būl sūraqtardy bank jüiesınıŋ memleketten alǧan ülken qarajatyna qaramastan, bankterdıŋ ekonomikany nesieleu şarttary men köŋıl tolmaityn jaǧdailarǧa bailanysty kötergen edık. «Aq jol» fraksiiasy Ūlttyq qordan jäne biudjetten milliardtaǧan somany jıberudıŋ maqsaty bankterdıŋ özderın baiytu emes, qarjy sektoryn jaqsartu jäne qarajatty ekonomikaǧa baǧyttau boluy kerek dep sanaidy. Prezident Q.Toqaev özınıŋ Joldauynda «ekınşı deŋgeilı bankterge qolaily şarttarmen jäne ūzaq merzımge nesie beru» mındetın qoiǧany kezdeisoq emes. Sonymen bırge, keibır mälımetterge säikes, bankterdıŋ memlekettık qorlardan paida tabuy, olardy Ūlttyq Bank atynan memleketke qolaily mölşerlemelermen qamtamasyz etuı jäne biznestıŋ qol jetımdı ūzaq merzımdı nesielerge degen şūǧyl qajettılıgın eskermeuı syndy jaǧdailar oryn alǧan. Būl jaǧdaidy naqtylau üşın bız Ūlttyq banktıŋ mälımetterın sūradyq. Alaida, sūrau jıberılgen künnen bastap ekı ai ötse de, jauap kelgen joq. Eske sala keteiık, «Parlament jäne onyŋ deputattarynyŋ märtebesı turaly» Qazaqstan Respublikasy Konstitusiialyq zaŋynyŋ 27-babynyŋ 4-tarmaǧyna säikes, deputattyŋ ötınışıne jauap bır aidan keşıktırılmei berıledı. Osyǧan bailanysty «Aq jol» parlamenttık fraksiiasy:- bız qoiǧan sūraqtarǧa naqty jauap berudı taǧy da talap etedı;
"Adyrna" ūlttyq portaly
