Bügın NATO tarihyna kükırt ärıppen jazylatyn maŋyzdy oqiǧa boldy. Sisiliia aralynda özdıgınen ūşatyn barlauşy ekı dron jüiesı tanystyryldy. Ony tanystyruǧa Natobasy Iens Stoltenbergtıŋ özı keldı.
RQ-4D Phoenix drondary jauyna ses, NATO-ǧa sep bolaiyn dep tūr. Būl qanatty qyrandar älemnıŋ är tükpırın şarlai ūşyp, barlau jürgızbek. Ūşqan qūs, jügırgen aŋ, jüzgen balyq, tyǧylǧan terrorist, sekırgen sodyr onyŋ temır közderınen tys qalmaidy. RQ-4D Phoenix tıptı jer astyna jasyrynyp jatqan minalarǧa deiın tüsırıp alatyn qūdıretke ie. Soiqan ba? Soiqan. Būl dronnyŋ janynda qyran qūstyŋ közı okulistke qaraluǧa jaramai qalady qysqasy.
Endı būlardyŋ janyna taǧy üş dron qosylyp, "bes barlau bürkıtı" aua-raiynyŋ qandai qiqar mınezı bolsa da aspai-saspai qarly Aliaskadan bastap, mūzdy Antraktidaǧa deiın, şöldı Saharadan bastap, ormandy Orysiiaǧa deiın, qysqasy 6 qūrlyq, 4 mūhit, 7,5 mlrd adamdy tolyq töbeden baqylap, NATO-ǧa aqparat berıp otyrady. Ǧajap pa? Ǧajap.
Aitpaǧym, osyndai qaruǧa ie äskeri blokpen sız desıp syilasu aqyldylyq bolmaq. Al ebın tauyp, künderdıŋ künı soǧan özımız kırıp alsaq, ol tapqyrlyq bolady. NATO-ǧa müşenıŋ, OTAN-ǧa kömegı bar. Kerısınşe oqysaŋ "OTAN" sözı şyǧatyn NATO-ǧa kırer kün tuar ma?..
Ashat Qasenǧali
