Kelısımderı jaramsyz dep tanylǧan 30 qaraǧandylyq käsıpker «Aq jolǧa» jügındı

«Aq jol» partiiasyna otyz käsıpker sottyŋ kelısımderdı jaramsyz dep tanu mäselesı boiynşa jügındı. Osyǧan orai, 17 qaŋtarda «Aq jol» partiiasynyŋ keŋsesınde käsıpkerlerdıŋ fraksiia deputattarymen kezdesuı öttı. Ötınış beruşılerdıŋ aituynşa, 2017 jyldan bastap Qaraǧandy ​​oblysynyŋ memlekettık kırıster organdary üşınşı jäne tıptı besınşı kontr-serıktestermen jasalǧan kelısımderdı jaramsyz dep tanyp, jappai aiyppūldardy öndırıp aluda. Sonymen qatar, salyq organdary «alaiaqtyq kelısımderdı» salyq töleuden jaltarudyŋ negızınde emes, taraptardyŋ bırınıŋ balansynda aktivterdıŋ nemese ştat sany bolmauyna bailanysty, iaǧni öz qalauy boiynşa anyqtaǧan. Mūndai faktıler dereu sotqa kelısımderdı jaramsyz dep tanu üşın jıberıledı. Şynymen de, qazırgı uaqytta, köptegen käsıpkerlerde qarajat ta, qyzmetkerler sany da şekteulı. Käsıpkerlerdıŋ aituynşa, sottar kelısımderdı ıs jüzındei teksermei, ūsynylǧan dälelderge zaŋdy baǧa bermei-aq, salyq organdarynyŋ 90% talaptaryn qanaǧattandyrady. Sonymen qatar, zaŋ talaptaryna qaramastan, sottar aiyptaluşylardan 3 jyl būryn jasalǧan kelısımder boiynşa talap qoiu merzımın qoldanudan bas tartady. Oblys käsıpkerlerı qauymdastyǧynyŋ mälımetterı boiynşa, osyndai sot ısterınıŋ sany 2017 jyly - 116, 2018 jyly - 481, 2019 jyly – 685-ke jetken. Olardyŋ basym köpşılıgın sot organdary salyq organdarynyŋ paidasyna şeşedı. Būl öz kezegınde şaǧyn jäne orta biznestıŋ qūldyrauyna äkep soǧuda. Sonymen bırge, Joǧarǧy Sot pen Bas prokuraturaǧa şaǧymdanu da eş nätije bermegen. Käsıpkerler atalmyş mäsele kün sanap ūlǧaiyp kele jatqandyqtan, özderınıŋ qūqyqtaryn qorǧaudy sūrady. Kezdesude T.Äşımov (Aspap), M. Nūrǧojin («Mir stekla» JŞS), B. Saduova (qūrylysşylar qauymdastyǧy), E.Hen («Stroi Biznes Konsalting» JŞS) syndy ondaǧan käsıpker men olardyŋ advokattary özderınıŋ naqty jaǧdailary turaly aitty. «Aq jol» demokratiialyq partiiasynyŋ töraǧasy Azat Peruaşev būl mäsele tek Qaraǧandy oblysynda ǧana emes, basqa da aimaqtarda jiı kezdesetının atap öttı. Būǧan deiın atalǧan mäselenı «Aq jol» partiiasy Bas prokuratura, Qarjy ministrlıgı jäne «Atameken» Ūlttyq käsıpkerler palatasynyŋ ökılderımen bırge Joǧarǧy Sottyŋ alaŋynda talqylauǧa ūsynǧan bolatyn. Talqylau nätijelerı boiynşa qūrylǧan jūmys toby zaŋnamaǧa qajettı özgerıster engızu boiynşa ūsynystardy talqylady. Alaida, ötken jyldyŋ jazynan bastap top atalǧan ūsynystardy oryndamai jūmysyn toqtatqan. Sondyqtan bız ūsynǧan täsılder jüzege asyrylmady, mäselenı şeşu tetıgı äzırlenbei qaldy. Qanşama dälelderdıŋ bolǧanyna qaramastan sot şeşımderınıŋ şyǧyp qoiǧandyǧy būl mäselenı qiyndatuda. Tek Bas Prokuror nemese Joǧarǧy Sottyŋ Töraǧasy olardy qaita qaraudy talap ete alady. Ökınışke orai, bız köptegen ısterde prokuratura organdary būrynǧydai käsıpkerlerdıŋ qūqyǧyn qorǧamaitynyn körıp jürmız. Bız Bas prokuraturaǧa da, Joǧarǧy Sotqa da deputattyq saualdardy daiyndaimyz. Sonymen qatar, bız biznespen jūmys ısteudıŋ mūndai varvarlyq ädısterın boldyrmau üşın Qarjy ministrlıgınıŋ basşylyǧymen jeke äŋgımelesemız », - dep Azat Peruaşev käsıpkerlerdı sendırdı.