Ūlttyq banktıŋ töraǧasy Erbolat Dosaev Nūr-Sūltanda ötıp jatqan ükımettıŋ keŋeitılgen otyrysy barysynda el prezidentıne atqarylǧan jūmystar turaly baiandady.
"Syrtqy naryqtardaǧy ahualdyŋ tūraqsyzdyǧyna jäne mūnaidyŋ ortaşa jyldyq baǧasy 2018 jylǧy bır barrel üşın 71,7 AQŞ dollarynan 2019 jyly bır barrel üşın 64,2 AQŞ dollaryna deiın tömendegenıne qaramastan, jalpy halyqaralyq rezervter ötken jyly 2,3 paiyzǧa ūlǧaiyp, 91 mlrd AQŞ dollaryn qūrady. Onyŋ ışınde altyn-valiuta rezervterı – 29 mlrd AQŞ dollary, Ūlttyq qordyŋ aktivterı – 61,9 mlrd AQŞ dollary boldy", - dedı Dosaev.
"Sonymen qatar, altynnyŋ jaŋa portfelın qūruda qoldaǧanyŋyz üşın alǧysymdy bıldıremın. Ol da özınıŋ tūraqtylyǧyn alyp keldı. Bız byltyr 1 milliard dollar qalyptastyrdyq, biyl ony 1 milliardqa ūlǧaitamyz.
Sondyqtan būl jūmys jalǧasyp, bız 2020 jyldyŋ qorytyndysy boiynşa qoldanystaǧy naryqtardaǧy qūbylmalylyqty eskere otyryp, ūlttyq qordan oŋ nätije alamyz dep ümıttenemız", - dedı Dosaev.
Būǧa qosa Prezident Qasym-Jomart-Toqaev Ūlttyq qordyŋ bıregeilıgın atap ötıp, "Elbasynyŋ bastamasymen qūrylǧan Ūlttyq qor balamasyz institut bolyp sanalady. Qandai da bır qosymşa qorlardy qūruǧa jol berılmeidı jäne rūqsat etılmeidı. Būl maqsat Ükımet, Ūlttyq qor jäne jaŋadan qūrylǧan agenttık aldynda tūr dep oilaimyn", - dedı.
