Ükımettıŋ jūmys sapasyn arttyru üşın memlekettık apparatty reformalau qajet – sarapşy

QR Prezidentı janyndaǧy Qazaqstannyŋ strategiialyq zertteuler instituty Almaty qalasyndaǧy ökıldıgınıŋ basşysy, ekonomika ǧylymdarynyŋ Ph.D doktory Äsel Äben QR Ükımetınıŋ keŋeitılgen otyrysyndaǧy bastamalar turaly pıkır bıldırdı, dep habarlaidy QazAqparat tılşısı. Jiynda Memleket basşysy Qasym-Jomart Toqaev ekonomikalyq reformalardyŋ jaŋa baǧyty qajettıgın atap ötken. «Prezident Qasym-Jomart Toqaev reformalaudyŋ naqty baǧyttaryn belgıledı, olar – laiyqty eŋbekaqy tölenetın jūmys oryndaryn qūru, adam kapitalynyŋ sapasyn arttyru, aiqyn jäne pragmatikalyq salyq-biudjet saiasaty, jeke käsıpkerlık pen bäsekelestıktı damytu. Ekonomikanyŋ sapaly ösımıne qol jetkızu üşın Memleket basşysy qajettı şarttardy naqty belgıledı: «Aiqyn maqsattar, tüsınıktı mındetter jäne olardyŋ tolyq oryndaluy», - dedı spiker QazAqparat tılşısıne bergen sūhbatynda. Onyŋ aituynşa, köp jaǧdaida oryn alǧan mäseleler tiımsız basqarumen, memlekettık apparattyŋ kemşılıgımen jäne strategiialyq baǧdarlamalardyŋ ıske asyryluyn tömen baqylaumen bailanysty. «Jalpy, kemşılıkterdıŋ boluyna qaramastan, Memleket basşysy Ükımet qūramyna senım artyp otyr. Alaida, Ükımetten jūmys sapasyn arttyru, ülken ikemdılık, tabandylyq, tiımdılıktı arttyru talap etıledı. Būǧan memlekettık apparatty reformalau jäne memlekettık basqaru jüiesın qaita qūru arqyly qol jetkızuge bolady», - dedı Äsel Äben. Aita keteiık, QR Ükımetınıŋ keŋeitılgen otyrysynda Qasym-Jomart Toqaev Ükımet müşelerıne berılgen mındetterdı oryndau üşın köktemge deiın uaqyt bergen edı.