Qazaqstanda bala kútimine tólenetin járdemaqy ósedi

– Biz Eńbek mınıstrliginde 1 jylǵa deıin tólenetin bala kútimi boıynsha járdemaqyny kóbeıtý máselesin kótergimiz keledi. Ázirge 1,5 jylǵa nemese 3 jylǵa deıin tóleý jaǵyn qarastyryp otyrmyz. Bul qısyndy bolar edi, – dedi Nurymbetov.

Onyń sózinshe, búginde elimizde 387 myńǵa jýyq ana bala kútimine tólenetin járdemaqy alady, onyń kóp bóligi aı saıyn 15-ten 24 myńǵa deıin áleýmettik saqtandyrý qory esebinen alady.

– Sondyqtan biz bul máselelerdi saralaý ústindemiz jáne osyndaı bastama kótermekpiz. Sondaı-aq, biz múgedektik boıynsha beriletin járdemaqyny da jalpy qaıta qarastyrǵymyz keledi, – dedi mınıstr.

Onyń aıtýynsha, erekshe qoldaýdy qajet etetin bul sanatqa jatatyn adamdar kómekke zárý.

– Biz múgedek balalardy kútýge járdemaqy tóleý máselesin kótergimiz keledi, qazir bizde múgedek balany kútýge ata-anasy nemese qamqorshylaryna, sondaı-aq bala kezinen birinshi toptaǵy múgedekterge járdemaqy kózdelgen.

Bala kezinen emes, keıin múgedek bolǵan eresek adamdar da kútimdi qajet etedi, sondyqtan qosymsha járdemaqy engizý durys jáne qısyndy bolar edi.

Munyń bári mınıstrliktiń jospary. Usynystar úkimettiń nemese atqarýshy organdardyń bekitýine áli engizilgen joq, – dep túsindirdi Nurymbetov.