Qazaqstan Respublikasy Ūlttyq muzeiınde «Tarihi fotosuretter» baiqauynyŋ jeŋımpazdaryn marapattau räsımı ūiymdastyrylyp, atalmyş baiqauda är atalym boiynşa jeŋımpaz atanǧan Qanat Nūrtazin, Vadim Mudarisov jäne Maqsat Şaǧyrbaev syndy fotograftardyŋ körmesı aşyldy.
«Tarihi fotosuretter» baiqauynyŋ ūiymdastyruşysy – Qazaqstan Respublikasy Ūlttyq muzeiı. Fotograftar baiqauy 2015 jylǧy aqpan aiy men 30 qazan aralyǧynda ötken bolatyn. Baiqau «Qazaq handyǧynyŋ 550 jyldyǧy», «Jeŋıstıŋ 70 jyldyǧy», «QR Konstitusiiasynyŋ 20 jyldyǧy» jäne «Qazaqstan halyqtary Assambleiasynyŋ 20 jyldyǧy» degen atalymdar boiynşa öttı.
Baiqau qazaq tarihynyŋ asa maŋyzdy oqiǧalaryna qoǧam nazaryn audartudy jäne jas ūrpaqtyŋ tuǧan elınıŋ bolaşaǧy men töl tarihyna degen qūrmetın arttyrudy közdedı.
Baiqauǧa barlyǧy 27 fotograf öz jūmysyn ūsyndy. Mūnda käsıbi jäne äuesqoi fotograftarǧa bırdei mümkındık berıldı.
«Ötken jyl aituly datalarǧa toly jyl boldy. Osyǧan orai bız respublikalyq fotobaiqau jariialadyq. Būl baiqau belgılı bır taqyryp aiasymen şektelıp qalǧan joq, mūnda Qazaqstannyŋ tynys-tırşılıgı jan-jaqty qamtylyp, qas-qaǧym sätterdıŋ barlyǧy fototarihqa ainaldy», - dedı Ūlttyq muzeidıŋ direktory Darhan Myŋbai.
Cöz arasynda ol Ūlttyq muzei elımızdıŋ ruhani, mädeni ömırıne belsendı atsalysuyn jalǧastyra beretının baiandady.
«Ūlttyq muzei aldaǧy uaqytta da fotobaiqau ötkızedı. Bır baiqaǧanymyz, bızge älı de bolsa fotoöner salasyn damytu jäne fotoönerge degen qyzyǧuşylyqty arttyru qajet. Bızde käsıbi fotograftar köp. Olar Qazaqstandy şet memleketke jaŋa qyrynan tanytu äleuetıne ie. Bız tarihy tereŋ, siqyry mol öner ielerıne qoldau körsete beruımız kerek. Öitkenı olar tarihty taŋbalap, tarihty jazyp jatyr», - dedı muzei basşysy.
Osydan soŋ D.Myŋbai qazylar alqasynyŋ şeşımımen «Qazaq handyǧynyŋ 550 jyldyǧy» atalymynda top jarǧan Nazarbaev universitetınıŋ äkımşılık qyzmetkerı, äuesqoi fotograf Qanat Nūrtazinge, «Jeŋıstıŋ 70 jyldyǧy» atalymynda «jüzden jüirık» dep tanylǧan Petropavl qalasyndaǧy «Soltüstık Qazaqstan» baspahanasynyŋ fototılşısı, käsıpqoi fotograf Vadim Mudarisovqa sondai-aq «Konstitusiianyŋ 20 jyldyǧy» jäne «Qazaqstan halqy Assambleiasynyŋ 20 jyldyǧy» atalymynda eşkımge des bermegen «Oŋtüstıkfilm» memlekettık mekemesı direktorynyŋ orynbasary, käsıpqoi fotograf Maqsat Şaǧyrbaevqa alǧys hat pen qomaqty qarjylai syiaqy tabys ettı.
